Jukʼamp sum yatiyañataki: yatiyir masisar yanaptʼañäni

Kunatsa yanaptʼañasajj wakisi. Panini yatiyañajj kunja wakiskirisa uk Jesusajj sum yatïna. Ukatwa 70 arkirinakaparojj Diosan arunakap yatiyapjjañapatak panin panini khitäna (Luc. 10:1). Ukhamajj yatiyir masisatï yanaptʼa munani jan ukajj utanin jisktʼanakapar jan qhanañchirjamäjjani ukhajja, yanaptʼañasawa (Ecl. 4:9, 10). Experienciasampiw yanaptʼsna, jan ukajj kunjamsa Diosan arunakap jukʼamp sum yatiyaspa ukatakis munasiñampiw ewjjtʼaraksna (Pro. 27:17). Ukat yatiykasajja, kunanakatï wakiskirïki ukanakat parltʼsna ukhajja, chʼamañchtʼsnawa (Fili. 4:8).