¿Kunas jaqenakar jankʼaki yatiyañatakejj yanaptʼistaspa?

Jaqenakar jankʼak yatiyañ munañatakejja chʼamachasiñasawa, ukampis uk lurañajj wali askiwa, kunattejj ukhamatakwa akapachajj tʼunjaskani ukhajj qhespiñäni. Ukham chʼamachasiñatakejja, aka ewjjtʼanakar istʼañaw yanaptʼistaspa.

• Reino toqet mayiñasapuniwa (Mat. 6:10, NM).

• Chuymas jarkʼaqañatakejj sapüruw Biblia liyiñasa (Heb. 3:12).

• Tiemposjja janiw ina chʼusar aptʼasiñasäkiti (Efe. 5:15, 16; Fili. 1:10).

• Diosar yupaychañaw jakäwisan nayrankañapa, kuntï akapachankir jaqenakajj munapki ukanakampejj janiw apayasiñasäkiti (Mat. 6:22, 25; 2 Tim. 4:10).

• Bibliankir profecianakajj kunjamsa phoqasiski uk amuyañasapuniwa (Mar. 13:35-37).

Kuna luräwitï janirar tukuyatäki uk taqe chuym phoqañatakejj jankʼak yatiyañ munañaw yanaptʼistani (Juan 4:34, 35).