Yatiyañatak yanaptʼanaka

Diciembre phajjsin nayrïr sábado urun Bibliat yatichañ qalltañataki

“Familianakar yanaptʼañatakiw visittʼasipkta. Walja awk taykanakajja, wawanakapajj Diosat yateqapjjaspa ukat Jupar munasipjjaspa ukwa munapjje. ¿Ukatakejj awk taykanakati wawanakapar Diosar munasiñ yatichapjjañapa, jan ukajj jupanak pachpach yateqapjjañapa?” Kamsanis uk istʼäta. Ukatjja, Yatiyañataki diciembre 1 sat revistan qhep qhepa janan utjki uka yatichäwin nayrïr jisktʼapatwa yatjjattʼapjjäta, ukat Bibliat apstʼat mä jiskʼa tʼaqsa liytʼapjjarakïtawa. Ukat revistanak jaytasinjja, ukjjankki uka jisktʼar qhanañchañatakejj kunürus kuttʼasma ukwa amtawayapjjäta.

Yatiyañataki Diciembre 1

“Diosat parltʼiriw mä rat visittʼasipkta. ¿Jaqenakajj Diosar kunjam uñjapjje sasmasa, aleq chʼamarjamaki jan ukajj sapa maynit llakisir amigökaspas ukhamcha? [Kamsanis uk istʼäta.] Diosajj Jupampi kunjam apasiñassa muni ukjja, Bibliaw qhanañchi. [Santiago 4:8a, liytʼäta.] Kunjamatsa Diosarojj jakʼachassna ukwa aka revistan kimsa toqet qhanañchaski.”

¡Despertad! Diciembre

“Mä usuw walja jaqenakar llakisiyi uka toqetwa mä rat parltʼasipkta. Organización Mundial de la Salud sasin uñtʼatäki uka institucionajja, sapa pusinitjja, maynis pʼeqet usuntapuniniwa sasaw qhanañchi. ¿Ukham pʼeqet usuntañanakajj sapürutjamaw jiljjattaski sasmati? [Kamsanis uk istʼäta.] Jutïr urunjja, janiw usuntañanakasa, usuyasiñanakasa utj-jjaniti sasaw Bibliajj qhanañchistu. [Apocalipsis 21:3, 4 liytʼäta.] Pʼeqet usuntañanak utjki ukanakat kunanaksa yatiñasa, ukwa aka revistan mä qawqhanak qhanañchaski.”