**Jukʼamp sum yatiyañataki: Kunsa yatichi librompejj kunjamsa Bibliat yatichtan uk sum qhanañchtʼañasa**

Kunatsa uk lurañajj wakisi. Jan qollq mayisakiw Bibliat yatichapjjta sistan ukhajja, inas jaqenakajj jan sum amuyapkchiti, escuelanjam yateqañäkaspas jan ukajj carta toqnam yateqañäkaspas ukham inas amuyapjjchi. Ukhamajj Bibliat yatichapjjta sañat sipansa, kunjamsa Bibliat yatichtan uk sum qhanañchtʼañasawa. Bibliat yateqañajj jan sinti chʼamätapa antisas wali askïtapwa uñachtʼayañasa. Mä qawqha minutonakanwa kunjamsa Bibliat yatichasi uk utanir ukaratpach qhanañchtʼsna.

Kunjamsa uk lursna:

Khitïtansa, kunatsa visittʼasktan ukanak utanir yatiyasajja, jutïr urunakat llakisit janicha ukwa jisktʼañasa.
‘Waljaniw jumjamajj llakisipjjaraki’ sasaw sañasa, ukatjja, Kunsa yatichi librojj kuna yatichäwinakanisa ukwa uñachtʼayañasa. ‘Aka libron yatichäwinakap amuytʼañajj janiw chʼamäkiti, ukat Bibliajj kunsa jutïr uruta ukhamarak yaqha toqenakat yatichi ukanakatsa, qhanañcharakiwa’ sasaw sañasaraki. Ukatsti, kawkïr yatichäwitsa yatjjattʼañ muni ukwa jisktʼañasa.
Kunsa yatichi libro churañasa, ukat kawkïr yatichäwtï ajlltʼaskani ukwa jupampi thaqtañasa. Aka yatichäwi qalltapan jisktʼanak utjki ukanakarojja, aka pachpa yatichäwinwa qhanañchasiskani sasaw saraksna.
Liytʼañ munirjamäskchi ukhajja, juparuw nayrïr tʼaqa liytʼaysna. Ukat uka tʼaqan jisktʼap liytʼasajja, jupampiw qhanañchäwipat yatjjatañasa. Uka jisktʼarojj Biblian kawkïr jiskʼa tʼaqanakapay qhanañchchi ukwa jupampi yatjjatañasa. Ukat kunjamsa jiwasajj jisktʼan qhanañchäwip librosan chimptʼastan uksa uñachtʼayañasarakiwa.
Ukjjar jutki uka tʼaqat yatjjatasajja, pachpa arunakapampi uka jisktʼar qhanañchtʼañapatakiw mayiñasa.
‘Waliki, sum arstʼtajja’ sañasawa, ukat mayan uka pachpa yatichäw tuktʼayjjañatakiw jupampi amtawayañasa.
Wakischini ukhajja, Internetan jw.org cheqan ¿Kunjamsa Bibliat yatichasi? sat video uñachtʼayañasa.

Aka phajjsejj ak lurañatak chʼamachasiñäni:

Bibliat yatichañ qalltañatak chʼamachastan ukar bendeciñapatakiw Jehová Diosar mayiñasa (Fili. 2:13).
Kunsa yatichi librompejj kunjamsa Bibliat yatichtan uk utanir sum qhanañchtʼañatakiw chʼamachasiñäni, jan ukajj yatiykasin mä kutikis ¿Kunjamsa Bibliat yatichasi? sat video uñachtʼayañatakiw chʼamachasiñäni.