Suma yatichirïñatakejj wakichtʼasiñaw wakisi

Jesusarojj wiñay jakañ toqetjja, pä kutiw jisktʼapjjäna. Ukampis Jesusajj sapa maynin jisktʼaparjamaw kunatï wakiski uk qhanañchäna (Luc. 10:25-28; 18:18-20). Jiwasajj ukhamarakwa lursna, maynir yatichkasajj mä jaljajj kuna toqetsa parli uk sumsa yatkchiñänejja, janïr yatichir sarkasinwa kuna toqenakatsa yateqerisar yanaptʼañajj wakisi ukarjam wakichtʼasiwayañasa. Ukatakejja, akham jisktʼasiñaw wakisispa: ‘¿Yateqerijatakejj kawkïr yatichäwinakas jan amuytʼañjamäki? ¿Yatichkasajj sapa tʼaqan Bibliat apstʼäta jiskʼa tʼaqanakajj utjki, ukanakat kawkïr liytʼañas wakisispa? ¿Yateqerijajj qawqha yateqerjamasa?’ sasa. Yateqerisan sum amuytʼañapatakejja, kawkïr uñachtʼäwis wakisispa, kunjamatsa sum qhanañchtʼsna, jan ukajj kuna jisktʼanak lurañas wakisispa ukanakatwa lupʼiñasa. Ukatjja, Jehová Diosakiw jaqenakan chuymapan suma yatichäwinak jiltayaspa, ukatwa yateqerisar yanaptʼañapatakejj Diosar oracionan mayirapiñasa. Ukhamarus yatichañatak wakichtʼasktan ukatakisa, yateqerisar ajay toqet jiltañapatakisa, Diosan yanapap mayiñasaraki (1 Cor. 3:6; Sant. 1:5).