SUM YATICHAÑATAK CHʼAMACHASIÑÄNI | BIBLIAT YATICHASAJJ JUKʼAMP KUSISITÄÑATAK CHʼAMACHASIÑÄNI
Yateqerinakar Bibliat yatjjatapjjañapatak yanaptʼapjjañäni
Bibliat yateqerinakajja, Jehová Diosar uñtʼapjjañapatakisa suma saytʼatäpjjañapatakisa janiw Biblian qallta yatichäwinakapak uñtʼapjjañapäkiti (Mt 5:3; Heb 5:12-6:2). Jan ukasti jupanakpachpa Bibliat jukʼamp yatjjatapjjañapaw wakisi.
Qalltatpachwa yateqerimarojj estudiotak sum wakichtʼasiñ yatichañama, ukham lurañapatakiw chʼamañchtʼañamaraki (mwb18.03 pág. 6). Bibliat sapaki yatjjatañatakejja Diosar nayraqat orasiñajj kunja wakiskirisa ukwa qhanañchtʼañama. Internetan Bibliat yatjjatañatak herramientanakajj utjkistu uk apnaqañsa yatichañamarakiwa. Sañäni, jw.org ukhamarak JW Broadcasting® uka yanaptʼanak sum apnaqañwa yatichañama. Biblia sapüru liyiñapataki, tantachäwinakatak wakichtʼasiñapataki, jisktʼanakapan jaysäwinakap thaqañapatakiw chʼamañchtʼañama. Kuntï yateqki uka toqet lupʼiñapatakis chʼamañchtʼañamarakiwa.
BIBLIAT YATEQERINAKAR YANAPTʼAÑÄNI. BIBLIAT YATJJATAPJJAÑAPATAKI SAT VIDEO UÑTASAJJA, AKA JISKTʼANAKARUW QHANAÑCHTʼÄTA:
Yatjjatañajj janiw respuestanak thaqañakïkiti sasajj ¿kunjamsa Ritajj Rositar amuytʼayäna?
Qʼañu jucha lurañajj jan walïtap amuyañatakejja ¿kunas Rositar yanaptʼäna?
Bibliat yateqerimarojj kuntï yateqki uk sum amuyañapataki, ukarjam sarnaqañapatak yanaptʼam.
¿Kunsa Rositajj lupʼiñ toqet amuyäna?