¿Kunsa Samuelut yateqassna?

Samuelojja, jiwañapkamaw Jehová Diosarojj jan jitheqtas servïna. Wawäkäna ukhajja, janiw Elí chachan Hofní, Finehás wawanakapjamäñ munkänti, jupanakajj sinti jan walinakwa lurapjjäna (1Sa 2:22-26). Samuelojj jilsuskakïnwa, Jehová Diosas jupar yanaptʼaskänwa (1Sa 3:19). Jilïrëjjän ukhajja, wawanakapajj janiw jupat yateqasis sarnaqapkänti ukampis Samuelojj Jehová Diosar istʼaskakïnwa (1Sa 8:1-5).

¿Kunsa Samuelut yateqassna? Kuna jan walinakarus wayn tawaqonakajj saykatasipkta uk Jehová Diosajj sumwa yati, kunjamäsipktasa uksa amuyapjjaraktamwa. Jupaw jan ajjsarirïpjjañamatakejj yanaptʼasipkätam (Is 41:10, 13). Samuel chachajj janiw wawanakaparojj Jehová Diosan leyinakaparjam sarnaqapjjañapatak obligkänti, ukhamasti wawamatï Jehová Diosat jitheqtawaychi ukhajja, Samuelun sarnaqäwipat liytʼañaw jan llakisiñatak yanaptʼiristamjja. Samuelojj Jehová Diosan amparanakapar jaytasajja, jan jitheqtas jupar serviskakïnwa. Ukhamatwa Diosar kusisiyäna. Awk taykanakan sum sarnaqapjjatap uñjasajja, wawanakajj Jehová Diosar kuttʼjjapjjaspawa.

JUPANAKAT YATEQASIPJJAÑÄNI: SAMUEL SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• 

  Samuelojj wawäkäna ukhajja, ¿kunjamsa jan ajjsarirïtap uñachtʼayäna?

• 

  ¿Kunjamsa Daniel waynitojj jan ajjsarirïtap uñachtʼayäna?

• 

  Samuelojj jilïrëjjäna ukhajja, ¿kunjamsa sum sarnaqatap uñachtʼayäna?

• 

  Daniel waynitun awk taykapajja, ¿kunjamsa sum sarnaqapjjatap uñachtʼayapjjäna?