Bibliat yateqerinakar jan wali amigonakat jitheqtapjjañapatak yanaptʼañäni

Bibliat yateqerinakasatï Jehová Diosan amigopäñ munapjjchejja, amigonakap sumwa ajllipjjañapa (Sl 15:1, 4). Suma amigonakajja, kunatï walïki uk lurañatakiw yanaptʼapjjani (Pr 13:20; lff 48 yatichäwi).

Bibliat yateqerinakamaru jan wali amigonakap jaytañ yanaptʼkasajja, janiw jankʼak jaytapjjañap munañamäkiti. Inas jupanakatakejj amigonakap jaytañajj chʼamakïchi. Ukatwa sapa kuti yatichkasin jupat llakisitam uñachtʼayaskakiñama. Mä mensaje aptʼayasma, jawstʼasma jan ukajj mä rat visittʼiriw sarasma. Bibliat yateqerinakatï nayrar sartasipkchejja, jilat kullakanakampïñatakiw invittʼasma. Ukhamatwa jaytki uka amigonakat sipansa jukʼamp suma amigonak jikjjataskatap amuyapjjani (Mr 10:29, 30). Kunjamsa Diosan markapajj jiltaski uk uñjasas jumajj kusisirakïtawa.

BIBLIAT YATEQERINAKAR YANAPTʼAÑÄNI... JAN WALI AMIGONAKAT JITHEQTAPJJAÑAPATAKI SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Khitinakäpjjes jan wali amigonakajja? (1Co 15:33).

• Testigonakajj kusistʼapki uka toqetjja, ¿kunjamsa Rositajj amuyäna?

• ¿Kunjamsa Ritajj jan wali amigonakap jaytañapatak Rositar yanaptʼäna?