¿Akatjamat usuntañajj utjaspa ukhatak wakichtʼatäjjtati?
Akatjamatwa kuna usuntañasa jan ukajj chijir puriñas utjaspa (Sant. 4:14). Ukampis chʼikhi jaqejj janïrakipanwa wakichtʼasi (Pro. 22:3). ¿Kunjamsa qollayasïta uk yatjjtati ukat kuntï amtkta uk qellqtasjjaraktati? Mä suma amtar puriñamatakejja, Asistencia médica sin transfusiones. Necesidades y derechos del paciente sat video wakichasiwayi. Ukajja, Alternativas a las transfusiones. Serie documental uka DVD payïr wakichäwipawa. Niyakejjay uka videon yaqhep cheqanakan jaqenakar operasipkir uñjaschejja, awk taykanakajj jiskʼa wawanakapamp uka video uñjkasajj amuyasipjjañapawa.
1) Wila uchañ toqetjja, ¿kunatsa yaqhep doctoranakajj wasitat parlakipasipki? 2) Kunjamsa wila jan uchasajj wali chʼama operacionanak lurapjje ukanak kimsa toqet arstʼma. 3) ¿Kunatsa walja doctoranakasa ukat operacionanak lurir doctoranakas wil jan uchasa usutanakar qollapjjeristwa sasin sapjje? 4) ¿Wila uchayasiñ toqetjja kunsa walja hospitalanakan yatjjatawayapjje? 5) ¿Wila uchayasisajj kuna jan waltʼäwinakasa utjaspa? 6) Wil jan uchayasisa yaqha yanaptʼanakampi qollayasiñ toqetjja, ¿walja yatjjattʼatanakajj kamsapjjesa? 7) ¿Kunatsa anemia usump usuntapjje, ukat kunampis yanaptʼasispa? 8) Usut jaqen wilapan glóbulos rojos satäkis uk jiljjattañapatakejja, ¿kunjamsa yanaptʼasispa? 9) Mä jaqer operasiski ukhajja, ¿kunjamanakatsa wil jan ina chʼusar wartañatakejj yanaptʼasispa? 10) Wali usuntat wawarusa jan ukajj jiwañampïski uka jaqerusa, ¿jan wilampejj qollasirakispati? 11) Usutanakar sum uñjañ toqetsa ukhamarak sum qollañ toqetsa, ¿doctoranakajj kamsapjjesa?
Kuna yanaptʼäwinaktejj aka videon uñjawayktan ukarjamat qollayasïta janicha ukajj sapa maynitäjjewa, ukampis janipun usuntañkama ni chijir puriñkamas suyamti, jankʼakiw kunjamsa qollayasïta uk amtjjañama. “Diosan munasiñapan jakasipxañäni” sat libron 7 yatichäwipa ukat ukan kuna yatichäwinaksa uñjjatasiñapa siski uksa ukat Nuestro Ministerio del Reino noviembre, 2006 ukan qhanar uchañataki siski uka qellqatanakaw mä suma amtar puriñatak yanaptʼätam. Jumatï bautisatästajja, kuntï amtkta ukjja DPA jan ukajj CIAM tarjetaruw qellqantañama, ukat uk apnaqasiñamapuniwa.
[3 janan qhanañchäwipa]
¿Kunjamsa qollayasïta uk yatjjtati ukat qellqtʼasjjaraktati?