2 Падшаһлар
13 Јәһуда падшаһы Әһәзја+ оғлу Јуәсин һакимијјәтинин ијирми үчүнҹү илиндә+ Јәһу оғлу Јәһәз+ Сәмәријјәдә Исраилин падшаһы олду вә он једди ил һакимијјәт сүрдү. 2 Јәһәз Јеһованын бәјәнмәдији пис ишләр ҝөрүр, Нәбат оғлу Әрубамын Исраили сүрүкләдији ҝүнаһлардан+ дөнмүрдү, онлары тәкрар едирди. 3 Буна ҝөрә дә Јеһова Исраилә гәзәбләнди+ вә онлары дөнә-дөнә Арам падшаһы Һәзаилин вә Һәзаил оғлу Бәнһәдадын+ басгынларына мәруз гојду.+
4 Бир мүддәт сонра Јәһәз Јеһовадан мәрһәмәт диләди. Јеһова онун дуасыны ешитди, чүнки Арам падшаһынын Исраилә етдији зүлмү ҝөрүрдү.+ 5 Јеһова Исраили Арамын зүлмүндән гуртармаг үчүн хиласкар јетирди.+ Исраиллиләр әввәлки кими* өз јурдларында јашадылар. 6 (Анҹаг онлар Әрубамын Исраили сүрүкләдији ҝүнаһдан дөнмәдиләр,+ Әрубам евинин ҝүнаһындан тутуб ҝетдиләр. Ашера бүтү*+ дә Сәмәријјәдә галды.) 7 Јәһәзин ҹәми әлли сүвариси, он ҹәнҝ арабасы вә он мин пијада әсҝәри галмышды. Галанларыны Арам падшаһы хырман вахты+ галхан тоз кими әзиб мәһв етмишди.+
8 Јәһәзин галан ишләри, бүтүн етдикләри вә гүдрәти Исраил падшаһларынын тарихи китабында јазылмышдыр. 9 Јәһәз ата-бабаларына говушду вә ону Сәмәријјәдә дәфн етдиләр.+ Оғлу Јуәс онун јеринә тахта чыхды.
10 Јәһуда падшаһы Јуәсин һакимијјәтинин отуз једдинҹи илиндә Јәһәз оғлу Јуәс+ Сәмәријјәдә Исраилин падшаһы олду вә он алты ил һакимијјәт сүрдү. 11 О, Јеһованын бәјәнмәдији пис ишләр ҝөрүр, Нәбат оғлу Әрубамын Исраили сүрүкләдији ҝүнаһлардан дөнмүрдү,+ һәмин ҝүнаһлардан тутуб ҝедирди.
12 Јуәсин галан ишләри, бүтүн етдикләри, гүдрәти вә Јәһуда падшаһы Амисајла дөјүшү+ Исраил падшаһларынын тарихи китабында јазылмышдыр. 13 Јуәс ата-бабаларына говушду. Оғлу Әрубам*+ онун јеринә тахта чыхды. Јуәс Сәмәријјәдә Исраил падшаһларынын јанында дәфн олунду.+
14 Әлјәсә+ хәстәләнмишди, өлүм јатағында иди. Исраил падшаһы Јуәс она баш чәкмәјә ҝәлди вә ағлаја-ағлаја деди: «Атам, атам! Исраилин арабасы, сүвариләри!»+ 15 Әлјәсә она деди: «Ох-каман ҝөтүр». О, ох вә каман ҝөтүрдү. 16 Әлјәсә Исраил падшаһына деди: «Әлини каманын үстүнә гој». О, әлләрини каманын үстүнә гојду. Әлјәсә дә әлләрини падшаһын әлләринин үстүнә гојду. 17 Сонра деди: «Шәргә бахан пәнҹәрәни ач». О, пәнҹәрәни ачды. Әлјәсә деди: «Оху ат». Падшаһ оху атды. Әлјәсә деди: «Јеһованын зәфәр оху, Арам үзәриндә гәләбә оху! Сән арамиләри Әфигдә+ тамамилә дармадағын едәҹәксән».
18 Сонра Әлјәсә деди: «Охлары ҝөтүр». О, охлары ҝөтүрдү. Әлјәсә Исраил падшаһына деди: «Јерә вур». О, үч дәфә вуруб дајанды. 19 Аллаһ адамы һирсләниб деди: «Ҝәрәк беш, ја да алты дәфә вурардын! Онда Арамы тамамилә дармадағын едәрдин. Амма инди Арамы ҹәми үч дәфә мәғлуб едәҹәксән».+
20 Әлјәсә өлдү вә ону дәфн етдиләр. Һәр ил, ил ҝирәндә* муабиләрин басгынчы дәстәләри өлкәјә басгын едирдиләр.+ 21 Бир дәфә бир өлүнү дәфн едәнләр басгынчы дәстәсини ҝөрүб өлүнү Әлјәсәнин гәбринә атдылар вә гачдылар. Өлү Әлјәсәнин сүмүкләринә дәјән кими ҹанланыб+ ајаға дурду.
22 Арам падшаһы Һәзаил+ Јәһәзин өмрү боју Исраилә зүлм етди.+ 23 Анҹаг Јеһова Ибраһимлә+, Исһагла+, Јагубла+ бағладығы әһдин хатиринә исраиллиләрә нәзәр салыб лүтф, мәрһәмәт ҝөстәрди,+ онлары мәһв етмәк истәмәди вә бу ҝүнә гәдәр онлары һүзурундан рәдд етмәди. 24 Арам падшаһы Һәзаил өлдү, оғлу Бәнһәдад онун јеринә тахта чыхды. 25 Јәһәз оғлу Јуәс атасы Јәһәзин мүһарибәдә Һәзаилә удуздуғу шәһәрләри Һәзаил оғлу Бәнһәдаддан ҝери алды. Јуәс үч дәфә ону дармадағын едиб+ Исраил шәһәрләрини ҝери алды.