1 Салнамәләр

20 Илин әввәлиндә*, падшаһлар јүрүшә чыхан вахт Јуаб+ һәрби сәфәрә чыхыб әмуниләрин өлкәсини дармадағын етди. О ҝәлиб Раббаһы+ мүһасирәјә алды. Давуд исә Јерусәлимдә галмышды.+ Јуаб Раббаһа һүҹум едиб шәһәри тар-мар етди.+ 2 Онда Давуд Мәлкумун башындан гызыл таҹы ҝөтүрдү. Гызылын чәкиси бир талант* иди, таҹ даш-гашла бәзәдилмишди. Таҹы Давудун башына гојдулар. О һәм дә шәһәрдән чохлу гәнимәт әлә кечирди.+ 3 Шәһәрин әһалисини көчүрдү. Онлары даш кәсән мишарларла, кәсиҹи дәмир аләтләрлә, балталарла ҝөрүлән ишләрә тәһким етди.+ Давуд әмуниләрин бүтүн шәһәрләриндә белә етди. Ахырда о, гошуну илә бирликдә Јерусәлимә гајытды.

4 Сонра Ҹәзәрдә филиштлиләрлә мүһарибә олду. О вахт һушаһлы Сиббикај+ Рәфа өвладларындан+ олан Сиппајы өлдүрдү. Филиштлиләр исраиллиләрин табелијинә кечди.

5 Јенә филиштлиләрлә мүһарибә олду. Јаир оғлу Илкәнан ҹатлы Ҹалутун+ гардашы Лаһмини өлдүрдү. Ҹатлынын низәсинин сапы тохуҹу ағаҹы бојда иди.+

6 Ҹатда+ јенә мүһарибә олду. Орада пәзәвәнҝ+ бир адам вар иди. Онун ајаглары вә әлләри алты бармаглы иди, ијирми дөрд бармағы вар иди. О да Рәфа өвладларындан иди.+ 7 О, Исраилә мејдан охујурду.+ Давудун гардашы Шиманын+ оғлу Јонатан ону вуруб өлдүрдү.

8 Бунлар Ҹатдакы+ Рәфа өвладларындан+ иди. Давудла адамлары онлары өлдүрдүләр.