Зәбур

24 Јер, онун үзәриндәки һәр шеј,

Торпаг вә онун үстүндә јашајанлар Јеһованындыр.

 2 О, Јери дәнизин үзәриндә гојду,

Ону чајларын үзәриндә бәркитди.

 3 Јеһованын дағына ким чыха биләр?

Мүгәддәс мәканында ким дура биләр?

 4 Әлләри пак, гәлби тәмиз адам,

Варлығыма* јаландан анд ичмәјән,

Сахта анд вермәјән адам.

 5 О, Јеһовадан хејир-бәрәкәт алар,

Хиласкары Аллаһын ризасыны газанар*.

 6 Еј Јагубун Аллаһы, онлардыр Сәни ахтаран,

Сәнин ҹамалыны ҝөрмәк истәјән. (Селаһ)

 7 Башынызы галдырын, еј дарвазалар,

Ачылын, еј гәдими кечидләр,

Шанлы Падшаһ ҝирсин ичәри!

Ҝүҹлү, гүдрәтли Јеһова,

Дөјүшдә гүдрәтли Јеһова!

 9 Башынызы галдырын, еј дарвазалар,

Ачылын, еј гәдими кечидләр,

Шанлы Падшаһ ҝирсин ичәри!