Зәбур

28 Сәни чағырырам, еј Јеһова, еј мәним гајам,

Сәсимә гулағыны тыхама,

Сәсимә һај вермәсән,

Гәбрә енәнләрә бәнзәрәм.

 2 Әлләрими мәбәдинин ич отағына тәрәф ачанда,

Сәндән имдад диләјәндә јалварышымы ешит.

 3 Мәни пис, залым адамлара гатыб апарма,

О кәсләрлә ки, адамла меһрибан данышыр, үрәкләри исә писликлә долудур.

 4 Онлара әмәлләринә ҝөрә вер,

Писликләринин ҹәзасыны,

Ишләринин әвәзини вер,

Әмәлләрини башларына ҝәтир.

 5 Онлар Јеһованын ишләринә,

Әлләринин јаратдыгларына мәһәл гојмурлар.

 6 Јеһоваја шүкүрләр олсун,

Јалварышларымы ешитди.

 7 Јеһова ҝүҹүм, галханымдыр,

Үрәјим Она архаланыр,

Онун көмәјини ҝөрдүм, гәлбим севинҹдән ҹошур,

Нәғмәмлә Ону тәрәннүм едәрәм.

 8 Јеһова Өз халгынын ҝүҹүдүр,

Мәсһ етдијинә мөһтәшәм гуртулуш верән истеһкамдыр.