Әшија

18 Һәбәш+ чајларынын ахдығы бөлҝәнин,

Вызылдајан ганадлы һәшәратлар дијарынын вај һалына!

 2 О, дәниз јолу илә,

Суларын о тајына гамыш гајыгларда гасидләр ҝөндәриб дејир:

«Еј јејин гасидләр, јола дүзәлин!

Уҹабојлу, һамар дәрили халгын,

Һәр јана горху салан,+

Ҝүҹлү, фатеһ халгын,

Торпағыны чајлар јујан халгын јанына ҝедин».

 3 Еј јер үзүндә јашајанлар, еј дүнја сакинләри!

Сиз, санки, дағ башында нишан ҝөрәҹәксиниз,

Санки, шејпур сәси ешидәҹәксиниз.

«Мән ҝүнәшин јери гыздыран шәфәгләритәк,

Истидә, бичин вахты шеһ булудутәк

Архајын-архајын дуруб мәканыма* бахаҹағам.

 5 Бичиндән әввәл,

Чичәкләнмә гуртаранда, горалар јетишмәјә башлајанда

Пөһрәләр бағ гајчысы илә кәсиләҹәк,

Бығҹыглар кәсилиб атылаҹаг.

 6 Һамысы дағлардакы јыртыҹы гушлара,

Јердәки вәһши һејванлара јем едиләҹәк.

Јыртыҹы гушлар бүтүн јајы,

Вәһши һејванлар бичин мөвсүмү онларла гидаланаҹаг.

 7 О заман ордулар Аллаһы Јеһоваја

Уҹабојлу, һамар дәрили халгдан,

Һәр јана горху салан,

Ҝүҹлү, фатеһ халгдан,

Торпағыны чајлар јујан халгдан бәхшиш ҝәтириләҹәк.

Ордулар Аллаһы Јеһованын адыны дашыјан јерә, Сион дағына+».