Әшија
62 Доғрулуғу шәфәгтәк парламајынҹа,+
Ниҹаты мәшәлтәк јанмајынҹа+
Мән Сион наминә сусмајаҹағам,+
Јерусәлим наминә сакит дурмајаҹағам.
Сәни јени адла,
Јеһованын дилиндән чыхан адла чағыраҹаглар.+
3 Сән Јеһованын әлиндә ҝөзәллик таҹы,
Аллаһынын овҹунда падшаһ чалмасы олаҹагсан.
Әксинә, сәнә “фәрәһим”,+
Өлкәнә “әрли гадын” дејиләҹәк.
Чүнки сән Јеһованын фәрәһи олаҹагсан,
Өлкән әрли гадын кими олаҹаг.
5 Ҹаван оғлан бакирә гызла евләндији кими,
Оғулларын да сәнинлә никаһ гураҹаг.
Тәзәбәј ҝәлинә бахыб севиндији кими,
Сәнин Аллаһын да сәнә бахыб севинәҹәк.+
6 Еј Јерусәлим, диварларынын үстүнә ҝөзәтчи гојмушам.
Гој онлар ҝеҹә-ҝүндүз сусмасын.
Еј Јеһованын адыны чағыранлар,
Дурмајын!
7 О, Јерусәлими бәргәрар етмәјинҹә,
Ону дүнјанын шаны етмәјинҹә Ондан әл чәкмәјин».+
8 Јеһова сағ әлини, гүдрәтли голуну галдырыб анд ичди:
«Даһа сәнин тахылыны дүшмәнләрә вермәјәҹәјәм,
Зәһмәтлә чәкдијин шәрабы јадлар ичмәјәҹәк.+
9 Тахылы јыған јејәҹәк, Јеһоваја шүкүр едәҹәк;
Шәраб чәкән шәрабы мүгәддәс һәјәтимдә ичәҹәк».+
10 Кечин дарвазалардан, кечин!
Халг үчүн јолу тәмизләјин,+
Дүзәлдин баш јолу, дүзәлдин!
Дашлардан тәмизләјин.+
Халглар үчүн нишан гојун.+
11 Бах! Јеһова дүнјанын нәһајәтләринә бәјан етди:
«Сион гызына дејин,
“Будур, ниҹатын ҝәлир.+
Будур, Онун верәҹәји мүкафат јанындадыр,
Өдәјәҹәји музд өнүндәдир”».+