Јушә

20 Сонра Јеһова Јушәјә деди: 2 «Исраиллиләрә белә де: “Муса васитәсилә сизә бујурдуғум кими, өзүнүз үчүн сығынаҹаг шәһәрләр ајырын.+ 3 Гој билмәдән, тәсадүфән адам өлдүрән ора гачсын. Бу шәһәрләр интигамчыдан гачан адам үчүн сығынаҹаг јери олаҹаг.+ 4 Гој о, бу шәһәрләрдән биринә гачыб+ шәһәр дарвазасынын+ ағзында дурсун вә һал-гәзијјәни шәһәр ағсаггалларына данышсын. Ағсаггаллар бу адамы шәһәрә бурахыб она орада јер версинләр вә о, онларын арасында јашасын. 5 Әҝәр интигамчы бу адамы тәгиб едәрсә, ону интигамчынын әлинә вермәсинләр, чүнки о, сојдашыны билмәдән өлдүрүб, она гаршы әдавәти олмајыб.+ 6 Иҹма гаршысында мүһакимә олунана гәдәр о, бу шәһәрдә јашамалыдыр+ вә һәмин вахт хидмәт едән баш каһин өләнәҹән орада галмалыдыр.+ Бундан сонра гәтл төрәдән гачдығы шәһәрә, өз шәһәринә, өз евинә гајыда биләр”».+

7 Онда онлар бу шәһәрләри ајырдылар: Нифталынын дағлыг бөлҝәсиндә, Ҹәлиләдәки Гәдәси+, Әфраимин дағлыг бөлҝәсиндәки Сиһамы+, Јәһуданын дағлыг бөлҝәсиндәки Кирјат-Арбаны+, јәни Һәбруну, 8 Рубән гәбиләсинин әразисиндән Иордан бөлҝәсиндә, Әриһадан шәргдә, јајладакы сәһрада јерләшән Бәсәри+, Ҹад гәбиләсинин әразисиндән Ҝиладдакы Рамуту+, Мәнәссә гәбиләсинин әразисиндән Башандакы Гуланы.+

9 Бу шәһәрләри сығынаҹаг шәһәр кими ајырдылар. Билмәдән адам өлдүрән исраилли, јахуд исраиллиләрин арасында јашајан јаделли гачыб ораја сығынмалыдыр+ ки, иҹма гаршысында мәһкәмәјә чәкиләнә гәдәр интигамчы ону өлдүрмәсин.+