2 Падшаһлар

12 Јуәс+ Јәһунун+ һакимијјәтинин једдинҹи илиндә тахта чыхды вә гырх ил Јерусәлимдә һакимијјәт сүрдү. Онун анасы биир-сәбалы Сибјә иди.+ 2 Нә гәдәр ки Јәһјадај Јуәсә өјүд-нәсиһәт верирди, Јуәс Јеһованын бәјәндији ишләри ҝөрүрдү. 3 Лакин сәҹдәҝаһлар*+ јох едилмәди, халг һәлә дә сәҹдәҝаһларда гурбан ҝәтирир, гурбан түстүсү тәгдим едирди.

4 Јуәс каһинләрә деди: «Мүгәддәс тәгдимәләр үчүн Јеһованын мәбәдинә ҝәтирилән пуллары,+ јәни ҹан верҝисини,+ инсанын дәјәринә ҝөрә верилән пулу вә һәр кәсин үрәјинин сөвгү илә Јеһованын евинә ҝәтирдији пулу+ ҝөтүрүн. 5 Гој каһинләр таныдыглары ианәчиләрдән пулу шәхсән өзләри ҝөтүрсүнләр вә һәмин пулла мәбәдин учуг јерләрини тәмир еләсинләр».+

6 Јуәс падшаһын һакимијјәтинин ијирми үчүнҹү илиндә каһинләр һәлә дә мәбәди тәмир етмәмишдиләр.+ 7 Јуәс падшаһ каһин Јәһјадајы+ вә башга каһинләри чағырыб деди: «Нә үчүн мәбәдин учугларыны тәмир етмирсиниз? Пулу евин бәрпасы үчүн хәрҹләмирсинизсә, ианәчиләрдән пул ҝөтүрмәјин».+ 8 Каһинләр разылашдылар ки, даһа халгдан пул ҝөтүрмәсинләр вә мәбәдин тәмири үчүн мәсулијјәт дашымасынлар.

9 Каһин Јәһјадај бир сандыг+ ҝөтүрүб гапағында дәлик ачды вә гурбанҝаһын јанында, Јеһованын мәбәдинин ҝиришинин сағ тәрәфиндә гојду. Гапычы каһинләр Јеһованын евинә ҝәтирилән пуллары ора атырдылар.+ 10 Һәр дәфә сандыгда пул чохаланда падшаһын катиби вә баш каһин ҝәлиб Јеһованын евинә ҝәтирилән пулу јығыр вә сајырды.+ 11 Сајылан пулу Јеһованын евиндә ҝөрүлән ишин нәзарәтчиләринә тәһвил верирдиләр. Онлар да Јеһованын евиндә чалышан дүлҝәрләрин, усталарын, 12 бәнналарын, дашкәсәнләрин һаггыны өдәјир,+ Јеһованын мәбәдини тәмир етмәк үчүн тирләр, јонулмуш дашлар алыр, һәмчинин пулу мәбәдин башга тәмир ишләринә хәрҹләјирдиләр.

13 Јеһованын евинә ҝәтирилән пулдан Јеһованын еви үчүн ҝүмүш тешт, фитил маггашы, каса, кәрәнај+, диҝәр гызыл-ҝүмүш әшјалар дүзәлтмәјә истифадә едилмирди.+ 14 Пулу ишчиләрә верирдиләр, онлар да бу пулла Јеһованын евини тәмир едирдиләр. 15 Онлар ишчиләрә өдәмәк үчүн пулу тәһвил вердикләри адамлардан һесабат тәләб етмирдиләр, чүнки бу адамлар етибарлы идиләр.+ 16 Тәгсир гурбаны+ вә ҝүнаһ гурбаны үчүн олан пуллар исә Јеһованын евинә ҝәтирилмирди, бу пуллар каһинләрә мәхсус иди.+

17 Һәмин вахт Арам падшаһы Һәзаил+ јүрүш едиб Ҹатла+ дөјүшдү вә ораны зәбт етди. Сонра Һәзаил Јерусәлимә үз тутду.+ 18 Онда Јәһуда падшаһы Јуәс ата-бабалары, сәләфләри Јәһуда падшаһлары Јәһушафатын, Јәһурамын, Әһәзјанын, еләҹә дә өзүнүн Аллаһ үчүн ајырдығы мүгәддәс тәгдимәләри, Јеһованын мәбәдиндәки вә сарајдакы хәзинәнин бүтүн гызылларыны јығыб Арам падшаһы Һәзаилә ҝөндәрди,+ о да Јерусәлимдән чәкилди.

19 Јуәсин галан ишләри, бүтүн етдикләри Јәһуда падшаһларынын тарихи китабында јазылмышдыр. 20 Онун әјанлары бирләшиб она гаршы суи-гәсд гурдулар+ вә Силлаја енән јолда, Тәпәдәки+ галада* ону өлдүрдүләр. 21 Ону өлдүрән әјанлар Шимат оғлу Јүзгәр вә Сомир оғлу Јәһузабад иди.+ Ону Давуд шәһәриндә дәфн етдиләр. Оғлу Амисај онун јеринә тахта чыхды.+