Ромалылара
14 Иманы зәиф олан адамы гәбул един,+ фәргли фикирләринә ҝөрә* ону мүһакимә етмәјин. 2 Киминсә иманы һәр шеј јемәјә јол верир, иманы зәиф олан исә анҹаг тәрәвәз јејир. 3 Гој һәр шеј јејән адам јемәјәнә јухарыдан ашағы бахмасын вә јемәјән дә јејән адамы мүһакимә етмәсин,+ чүнки Аллаһ ону гәбул едиб. 4 Сән кимсән ки, башгасынын гулуну мүһакимә едирсән?+ Ағасы билир, гулу ајаг үстәдир, јохса јыхылыб.+ О, ајаг үстә дураҹаг, чүнки Јеһова ону ајаг үстә сахламаға гадирдир.
5 Кимсә бир ҝүнү о бирисиндән ваҹиб сајыр,+ диҝәри үчүн исә бүтүн ҝүнләр ејнидир.+ Гој һәр кәс инандығы шејин доғру олуб-олмадығына там әмин олсун. 6 Һәр һансы бир ҝүнү үстүн тутан буну Јеһовадан өтрү едир. Һәмчинин јејән Јеһовадан өтрү јејир, чүнки Она шүкүр едир.+ Јемәјән дә Јеһовадан өтрү јемир, амма јенә дә Она шүкүр едир.+ 7 Әслиндә, һеч биримиз тәкҹә өзүмүз үчүн јашамырыг+ вә тәкҹә өзүмүз үчүн өлмүрүк. 8 Јашајырыгса, Јеһова үчүн јашајырыг,+ өлүрүксә, Јеһова үчүн өлүрүк. Бәли, јашасаг да, өлсәк дә, Јеһоваја мәхсусуг.+ 9 Мәсиһ дә һәм өлүләрин, һәм дириләрин Ағасы олмаг үчүн өлдү вә сонра һәјата гајытды.+
10 Бәс сән нијә гардашыны мүһакимә едирсән?+ Нәјә ҝөрә гардашына јухарыдан ашағы бахырсан? Ахы биз һамымыз Аллаһын һөкм күрсүсү гаршысында дураҹағыг,+ 11 неҹә ки јазылыб: «Јеһова белә дејир: “Варлығыма анд ичирәм+ ки, һәр диз гаршымда бүкүләҹәк, һәр дил Аллаһ олдуғуму ачыг-ашкар етираф едәҹәк”».+ 12 Беләликлә, һәр биримиз өзүмүзә ҝөрә Аллаһа ҹаваб верәҹәјик.+
13 Буна ҝөрә дә ҝәлин индән белә бир-биримизи мүһакимә етмәјәк.+ Әксинә, гаршыныза мәгсәд гојун ки, һеч бир гардашын јыхылмасына, иман јолундан дөнмәсинә баис олмајасыныз.+ 14 Ағамыз Исанын хидмәтчиси кими, билирәм, һәм дә әминәм ки, өз-өзлүјүндә мурдар һеч нә јохдур,+ әҝәр адам нәји исә мурдар һесаб едирсә, һәмин шеј онун үчүн мурдардыр. 15 Буна ҝөрә дә әҝәр једијин јемәјә ҝөрә гардашын пис олурса, сән артыг мәһәббәтлә һәрәкәт етмирсән.+ Бир гарын јемәјә ҝөрә гардашыны мәһв етмә, ахы бу гардашына ҝөрә Мәсиһ ҹанындан кечиб.+ 16 Гојмајын ки, инсанлар јахшы ишләринизи писләсинләр. 17 Чүнки Аллаһын Падшаһлығына ҝирмәк јемәк-ичмәкдән јох,+ мүгәддәс руһдан һасил олан салеһлик, сүлһ вә севинҹдән асылыдыр. 18 Ким Мәсиһә бу ҹүр хидмәт едирсә, Аллаһын да, инсанларын да рәғбәтини газаныр.
19 Буна ҝөрә дә ҝәлин сүлһә+ апаран вә бир-биримизи руһландыран шејләрә ҹан атаг.+ 20 Јемәкдән өтрү Аллаһын ишини дағытма!+ Дүздүр, һәр шеј тәмиздир, анҹаг јемәк башгаларынын иманыны сарсыдырса, бу, јејән үчүн писдир.+ 21 Јахшысы одур, нә әт је, нә шәраб ич, нә дә гардашынын иманыны сарсыдан башга бир иш ҝөр.+ 22 Иманын гој Аллаһла сәнин аранда галсын. Ҝөрдүјү ишә ҝөрә өзүнү гынамајан хошбәхтдир. 23 Анҹаг јејәркән онун үрәјиндә шүбһә варса, о өзүнү мәһкум едир, чүнки имана әсасән һәрәкәт етмир. Имана әсасән ҝөрүлмәјән һәр бир иш исә ҝүнаһдыр.