Колослулара
2 Истәјирәм биләсиниз ки, сизләрин, Лаодикијадакыларын+ вә мәни шәхсән танымајанларын һамысынын уғрунда бөјүк мүбаризә апарырам. 2 Бу она ҝөрәдир ки, һамынызын гәлби тәсәлли тапсын,+ сиз гаршылыглы мәһәббәт телләри илә бирләшәсиниз+ вә бөјүк сәрвәтә — мүгәддәс сиррин ајдын вә гәти анлајышына, Аллаһын мүгәддәс сирри олан Мәсиһ һаггында дәгиг билијә јијәләнәсиниз.+ 3 Бүтүн һикмәт вә елм хәзинәләри онда ҝизләдилиб.+ 4 Буну она ҝөрә дејирәм ки, һеч кәс сизи һијлә-кәләклә алдатмасын. 5 Ҹисмән јанынызда олмасам да, руһән јаныныздајам, араныздакы низам-интизамы+ вә Мәсиһә олан мөһкәм иманынызы ҝөрүб севинирәм.+
6 Беләликлә, Ағамыз Мәсиһ Исаны гәбул етдијиниз кими, бундан сонра да онунла вәһдәтдә јеријин. 7 Неҹә ки өјрәнмисиниз, еләҹә дә Исада көк атыб бөјүјүн,+ иманда сарсылмаз олун,+ гәлбиниз Аллаһа шүкранла долуб-дашсын.+
8 Диггәтли олун ки, һеч кәс сизи бу дүнјанын бахышларына*, инсан еһкамларына әсасланан фәлсәфә илә, пуч вә јанлыш+ фикирләр васитәсилә әсир алмасын. Бунлар Мәсиһдән дејил. 9 Чүнки илаһи кејфијјәтләр там долғунлуғу илә+ Мәсиһдә јашајыр. 10 Бүтүн һөкумәт вә һакимијјәтин башы олан Мәсиһин сајәсиндә сиз дә долғунлуға јетишмисиниз.+ 11 Мәсиһлә мүнасибәтиниз сајәсиндә сиз инсан әли илә јох, Мәсиһин давамчыларына јарашан сүннәтлә,+ бәдәнин ҝүнаһлы әмәлләрини кәсиб атмагла сүннәт едилдиниз.+ 12 Чүнки сиз дә онунла бирҝә онун вәфтизиндә* дәфн едилдиниз,+ онунла мүнасибәтиниз вә ону дирилтмиш Аллаһын гүдрәтли ишинә ҝәтирдијиниз иман сајәсиндә+ һәјата гајытдыныз.+
13 Бундан әлавә, ҝүнаһларыныза вә сүннәтсиз олдуғунуза ҝөрә өлү олан сизләри Аллаһ онунла бәрабәр һәјата гајтарды.+ О, лүтфкарлыгла бүтүн ҝүнаһларымызы бағышлады.+ 14 Фәрманлардан ибарәт+ олуб әлејһимизә ишләјән+ јазылы сәнәди ләғв етди,+ ону ишҝәнҹә дирәјинә* мыхлајыб арадан ҝөтүрдү.+ 15 О, ишҝәнҹә дирәји* васитәсилә һөкумәтләри вә һакимијјәтләри лүт-үрјан етди, онлары зәфәр јүрүшүндә апарыб әсир кими һамыја нүмајиш етдирди.+
16 Бу сәбәбдән, гој һеч кәс сизи јемәјә, ичмәјә+ ҝөрә, јахуд бир бајрама, тәзә ај мәрасиминә+ ја да шәнбәјә+ ҝөрә мүһакимә етмәсин. 17 Бүтүн бунлар ҝәләҹәкдәкиләрин көлҝәсидир,+ ҝерчәклик исә Мәсиһдәдир.+ 18 Гој сүни тәвазөкарлыгдан, мәләкләрә ситајишдән һәзз алан һеч бир адам сизи мүкафатдан мәһрум етмәсин.+ Белә адам алдығы вәһјин «үстүндә дурур»*. О, әсассыз олараг ҹисмани дүшүнҹәләри илә ловғаланыр, 19 баша садиг галмыр.+ Башын сајәсиндә бүтүн бәдән ојнаг вә әзәлә бағлары васитәсилә бәсләнир, һәмаһәнҝ сурәтдә бирләшир вә Аллаһын бөјүтдүјү кими бөјүјүр.+
20 Әҝәр сиз Мәсиһлә бирликдә бу дүнјанын бахышлары үчүн өлмүсүнүзсә,+ онда нијә һәлә дә бу дүнјаја мәхсус адам кими јашајараг+ 21 «Әл вурма! Јемә! Тохунма!» кими ганунлара табе олурсунуз? 22 Ахы бу ганунлар ишләндикҹә јох олан шејләрә аиддир. Онлар инсан тәлимләринә вә әмрләринә әсасланыр.+ 23 Онлар ујдурма ибадәт, сүни тәвазөкарлыг вә бәдәни үзән мәнасыз ајинләрдән+ башга бир шеј дејил вә заһирән мүдрик ҝөрүнсә дә, нәфслә мүбаризәдә тамамилә ҝүҹсүздүр.