Зәбур

 2 Мәни тәгсиримдән тәмизлә,

Ҝүнаһымдан пак ет.

 3 Тәгсирләрими јахшы билирәм,

Ҝүнаһым ҝөзүмүн өнүндә дуруб.

 4 Сәнә, Сәнә гаршы ҝүнаһ етдим,

Ҝөзүндә пис олан иши тутдум,

Одур ки, сөзләрин һагг,

Һөкмүн адилдир.

 5 Мән тәгсир ичиндә дүнјаја ҝәлдим,

Анамын бәтнинә дүшәндән мәндә ҝүнаһ јашајыр.

 6 Фәгәт Сән үрәкдә гәрар тутмуш доғрулуғу хошлајырсан,

Үрәјимә әсил һикмәт ашыла.

 7 Мәни ҝүнаһдан тәмизлә*, пак олум,

Мәни ју, гардан да ағ олум.

 8 Мәнә шәнлик, шадлыг сәдалары ешитдир ки,

Әзиб гырдығын сүмүкләр шәфа тапсын*.

 9 Ҝүнаһларымдан үзүнү јан чевир,

Тәгсирләримин һамысыны сил.

10 Мәндә тәмиз үрәк јарат,

Ичимә тәзә, мәтин бир руһ гој.

11 Мәни һүзурундан рәдд етмә,

Нә олар, мүгәддәс руһуну мәндән алма.

12 Сәндән ҝәлән гуртулуш севинҹини гој јенә дадым,

Сәнә итаәт етмәјә һәвәс ојат ичимдә.

13 Гануну позанлара Сәнин јолларыны өјрәдәҹәјәм ки,

Ҝүнаһкарлар Сәнә сары дөнсүн.

14 Еј Аллаһ, еј ниҹатымын Аллаһы, мәни ган ҝүнаһындан азад ет,

Гој дилим Сәнин әдаләтини шөвглә бәјан етсин.

15 Јеһова, нә олар, додагларымы ач,

Дилим Сәнә тәрифләр сөјләсин.

16 Сән гурбан истәмирсән, јохса ҝәтирәрдим,

Јандырма гурбанларындан хошһал олмурсан.

17 Пешман руһдур Аллаһа мәгбул гурбан.

Чилик-чилик олмуш, пешман үрәји рәдд етмәзсән, еј Аллаһ.

18 Лүтфүнлә Сиона јахшылыг ет,

Јерусәлимин диварларыны тик.

19 О заман салеһликлә ҝәтирилән гурбанлар,

Јандырма гурбаны, бүтөв гурбан Сәнә хош олар.

О заман гурбанҝаһында буғалар тәгдим едиләҹәк.