Дәрс 11
Аллаһа мәгбул олмајан иман вә адәтләр
Һансы иман вә адәтләр писдир? (1)
Мәсиһчиләр Аллаһын Үч үгнум олдуғуна инанмалыдырлармы? (2)
Нәјә ҝөрә Мәсиһин һәгиги давамчылары Милад бајрамыны, Пасханы вә ад ҝүнләрини гејд етмирләр? (3, 4)
Өлүләр дириләрә зәрәр јетирә биләрләрми? (5) Иса хач үзәриндәми өлмүшдүр? (6) Аллаһы разы салмаг нә дәрәҹәдә ваҹибдир? (7)
1. Иман вә адәтләрин һамысы пис дејил. Лакин Аллаһ, јалан динләрдән јаранан вә Мүгәддәс Китабын тә’лимләринә зидд ҝедән иман вә адәтләри бәјәнмир (Матта 15:6).
2. Үч үгнум. Јеһова бир Аллаһда олан үч шәхсијјәт, даһа доғрусу, Үч үгнумдурму? Хејр! Ата олан Јеһова “ваһид һәгиги Аллаһ”дыр (Јәһја 17:3; Марк 12:29). Иса — Онун табелијиндә олан илкин Оғулдур (1 Коринфлиләрә 11:3). Ата Оғулдан бөјүкдүр (Јәһја 14:28, И–93). Мүгәддәс руһ шәхсијјәт дејил, Аллаһын фәал гүввәсидир (Тәквин 1:2; Һәвариләрин ишләри 2:18).
3. Милад вә Пасха бајрамы. Иса декабрын 25-дә доғулмамышдыр. О, тәхминән октјабрын 1-дә, чобанлар сүрүләрини ҝеҹә вахты чөлдә сахладыглары мөвсүмдә анадан олмушдур (Лука 2:8-12). Иса һеч заман тапшырмамышдыр ки, мәсиһчиләр онун ад ҝүнүнү гејд етсинләр. Әксинә демишдир ки, шаҝирдләри онун өлүм ҝүнүнү јад етсинләр (Лука 22:19, 20). Милад бајрамы вә она аид олан адәтләр өз башланғыҹыны гәдим јалан динләрдән ҝөтүрмүшдүр. Ејни фикри, јумурта вә довшандан истифадә етмәклә гејд олунан Пасха бајрамы һаггында да демәк олар. Илк мәсиһчиләр Милад вә Пасха бајрамыны гејд етмирдиләр, бу бајрамлары Исанын һәгиги давамчылары олан мүасир мәсиһчиләр дә гејд етмирләр.
4. Ад ҝүнләри. Мүгәддәс Китабда хатырладылан јеҝанә ики ад ҝүнүнү, Јеһоваја ибадәт етмәјән инсанлар гејд етмишләр (Тәквин 40:20-22; Марк 6:21, 22, 24-27). Илк мәсиһчиләр ад ҝүнләрини гејд етмирдиләр. Бу адәт гәдим јалан динләрдән төрәнмишдир. Мәсиһин һәгиги давамчылары ил боју бир-биринә һәдијјәләр верир вә бир-бири илә үнсијјәтдән севинҹ дујурлар.
5. Өлүләрдән горхмаг. Өлүләр нә исә етмәјә вә ја дујмаға гадир дејилләр. Биз онлара көмәк етмәк игтидарында олмадығымыз кими, онлар да бизә зәрәр вура билмәзләр (Мәзмур 146:4; Ваиз 9:5, 10). Ҹан өлүр вә инсан өлдүкдән сонра јашамаға давам етмир (Һезекиел 18:4). Лакин елә олур ки, ҹинләр адланан пис мәләкләр өзләрини өлән инсанларын руһу кими гәләмә верирләр. Өләнләр гаршысында горху һиссини артыран вә онлара ибадәт етмәјә тәшвиг едән адәтләр писдир (Ишаја 8:19).
6. Хач. Иса хач үзәриндә өлмәмишдир. О, дирәк, јә’ни сүтун үзәриндә өлмүшдүр. Мүгәддәс Китабын бир чох тәрҹүмәләриндә “хач” кими тәрҹүмә олунан јунан сөзү садәҹә олараг дирәк мә’насыны дашыјыр. “Хач” рәмзи, гәдимдәки јалан динләрдән әмәлә ҝәлмишдир. Илк мәсиһчиләр ибадәтләриндә хачдан нә истифадә едир, нә дә она ибадәт едирдиләр. Буна ҝөрә дә дүшүнүн: Ибадәтдә хачдан истифадә етмәк дүзҝүндүрмү? (Тәснијә 7:26; 1 Коринфлиләрә 10:14).
7. Еһтимал ки, садаланан иман вә адәтләрин һансыларынданса азад олмаг чох чәтиндир. Ола билсин, доғмаларыныз вә достларыныз сизи инандырмаға чалышаҹаглар ки, әввәлки иманынызы дәјишмәјәсиниз. Лакин инсанлары дејил, Аллаһы разы салмаг олдугҹа ваҹибдир (Сүлејманын мәсәлләри 29:25; Матта 10:36, 37).
[22-ҹи сәһифәдә олан шәкил]
Аллаһ Үч үгнум дејил.
[23-ҹү сәһифәдә олан шәкилләр]
Милад вә Пасха бајрамлары гәдимдәки јалан динләрдән төрәниб.
Өлүләрә ибадәт етмәјә вә ја онлардан горхмаға һеч бир әсас јохдур.