Дәрс 16

Аллаһа хидмәт етмәк гәрарыныз

Аллаһын досту олмаг үчүн нә етмәлисиниз? (1, 2)

Өзүнүзү Аллаһа неҹә һәср едә биләрсиниз? (1)

Нә заман вәфтиз олунмалысыныз? (2)

Аллаһа садиг галмаг үчүн һарадан гүввә әлдә едә биләрсиниз? (3)

1. Аллаһын досту олмаг үчүн Мүгәддәс Китаб һәгигәтини јахшы өјрәнмәли (1 Тимотејә 2:3, 4), өјрәндикләринизә иман ҝәтирмәли (Ибраниләрә 11:6), ҝүнаһларыныздан төвбә етмәли (Һәвариләрин ишләри 17:30, 31) вә һәјат тәрзинизи дәјишмәлисиниз (Һәвариләрин ишләри 3:19). Сонра Аллаһа олан мәһәббәтиниз, өзүнүзү Она һәср етмәјә тәшвиг етмәлидир. Бу о демәкдир ки, Аллаһа етдијиниз шәхси дуада, ирадәсини јеринә јетирмәк үчүн өзүнүзү Она вердијинизи сөјләјирсиниз (Матта 16:24; 22:37).

2. Өзүнүзү Аллаһа һәср етдикдән сонра вәфтиз олунмалысыныз (Матта 28:19, 20). Вәфтиз, өзүнүзү Јеһоваја һәср етдијинизи һамыја ашкар етмәјә имкан верир. Буна ҝөрә дә, Аллаһа хидмәт етмәк гәрарыны гәбул етмәк үчүн кифајәт гәдәр јаша долмуш адамлар вәфтиз олуна биләрләр. Вәфтиз олунан заман инсанын бүтүн бәдәни бир анлыг суја батырылмалыдырa (Марк 1:9, 10; Һәвариләрин ишләри 8:36).

3. Өзүнүзү Јеһоваја һәср етдикдән сонра, О, сизин өз вә’динизә әсасән јашамағынызы ҝөзләјәҹәкдир (Мәзмур 50:14; Ваиз 5:4, 5). Иблис чалышаҹагдыр ки, Јеһоваја хидмәти дајандырасыныз (1 Петер 5:8). Лакин дуа васитәсилә Аллаһа јахынлашын (Филипилиләрә 4:6, 7). Онун Кәламыны һәр ҝүн өјрәнин (Мәзмур 1:1-3). Јығынҹагдан мөһкәм јапышын (Ибраниләрә 13:17). Бу ҹүр давранараг, Јеһоваја садиг галмағыныз үчүн сизә көмәк едәҹәк гүввәни әлдә едәҹәксиниз. Бунунла да, Аллаһын сиздән тәләб етдијини әбәдијјән јеринә јетирә биләҹәксиниз!

[Һашијәләр]