Һәјат әнамыны гијмәтләндирин

Һәјат ҝөзәл анларла долудур. Һәтта чәтин вәзијјәтдә белә, һәјатда нәләрсә инсана севинҹ ҝәтирир. Һәјат әнамыны гијмәтләндирдијимизи неҹә ҝөстәрә биләрик? Ән әсасы нәјә ҝөрә һәјаты гијмәтләндирмәлијик?

1. Һәјаты нәјә ҝөрә гијмәтләндирмәлијик?

Һәјат бизә сәмави Атамыз Јеһовадан әнамдыр. Буна ҝөрә дә һәјаты гијмәтләндирмәлијик. Јеһова «һәјат мәнбәји»дир, јәни һәјаты О хәлг едиб (Зәбур 36:9). «О... һамыја һәјат, нәфәс — һәр шеј верир» (Һәвариләрин ишләри 17:25, 28). Бәли, Јеһова бизә јашамаг үчүн һәр шеј верир. Үстәлик, јашадығымыз һәјатдан зөвг алмаг үчүн бизи ҹүрбәҹүр шејләрлә тәмин едир. (Һәвариләрин ишләри 14:17 ајәсини охујун.)

2. Һәјат әнамыны гијмәтләндирдијимизи Јеһоваја неҹә ҝөстәрә биләрик?

Инсан ана бәтнинә дүшәндән Јеһова онун гејдинә галыр. Давуд пејғәмбәр Аллаһа дуа едәркән демишди: «Ҝөзләрин рүшејмими ҝөрмүшдү» (Зәбур 139:16). Сизин һәјатыныз Јеһова үчүн чох дәјәрлидир. (Мәтта 10:29—31 ајәләрини охујун.) Кимсә башгасынын һәјатына, јахуд өз һәјатына гәсд едәндә бу, Аллаһа чох ағыр ҝедирa (Чыхыш 20:13). Һәмчинин өз һәјатымызы лазымсыз јерә тәһлүкәјә атанда, јахуд башгаларынын һәјатыны горумаг үчүн тәдбир ҝөрмәјәндә Јеһова кәдәрләнир. Биз өз һәјатымызы горујанда вә башгаларынын һәјатына һөрмәт едәндә мөһтәшәм һәјат әнамыны гијмәтләндирдијимизи ҝөстәририк.

Д Ә Р И Н Л И Ј Ә  В А Р Ы Н

3. Сағламлығынызын гејдинә галын

Мәсиһиләр Јеһоваја сөз верибләр ки, һәмишә Онун ирадәсини јеринә јетирәҹәкләр. Буна ҝөрә дә онлар һәјатларынын һәр саһәсини хидмәтә һәср едирләр. Онлар бәдәнләрини санки гурбан кими Аллаһа тәгдим едирләр. Ромалылара 12:1, 2 ајәләрини охујун вә нөвбәти суаллары мүзакирә един:

• Нәдән ирәли ҝәләрәк сәһһәтинизин гејдинә галмалысыныз?

• Сағламлығынызын гејдинә неҹә гала биләрсиниз?

4. Тәһлүкәсизлијә ҹидди јанашын

Мүгәддәс Китабда мәсләһәт ҝөрүлүр ки, өзүмүзүн, јахуд башгаларынын сағламлығына зәрәр вуран вә ја һәјатыны тәһлүкәјә атан ишләрдән узаг дураг. ВИДЕОЈА бахын вә ҝөрүн тәһлүкәсизлијә неҹә риајәт едә биләрсиниз.

ВИДЕО: «Тәһлүкәсизлијә риајәт един» (8:34)

Мәсәлләр 22:3 ајәсини охујун вә мүзакирә един: Өзүнүзүн вә башгаларынын тәһлүкәсизлији үчүн нөвбәти вәзијјәтләрдә нә едә биләрсиниз?

• Евдә

• Ишдә

• Идманла мәшғул оларкән

• Сүрүҹү вә ја сәрнишин гисминдә оларкән

5. Ана бәтниндә олан көрпәнин һәјатына һөрмәт един

Давуд пејғәмбәр бәдии диллә тәсвир етмишди ки, ана бәтниндә олан көрпәнин һәјаты вә инкишафы Јеһова үчүн ваҹибдир. Зәбур 139:13—17 ајәләрини охујун вә нөвбәти суалы мүзакирә един:

• Јеһованын ҝөзүндә инсан һәјаты нә заман башлајыр: ана бәтнинә дүшәндә, јохса доғуланда?

Јеһованын гәдим Исраилә вердији ганунлар һәм ананы, һәм дә бәтниндәки көрпәни горујурду. Чыхыш 21:22, 23 ајәләрини охујун вә нөвбәти суаллары мүзакирә един:

• Јеһова ана бәтниндә олан көрпәнин һәјатына тәсадүф нәтиҹәсиндә сон гојан инсана неҹә јанашырды?

• Бәс кимсә буну гәсдән етсәјди, Јеһова буна неҹә јанашарды?b

• Аллаһын бу мәсәләјә бахышы барәдә сиз нә дүшүнүрсүнүз?

ВИДЕОЈА бахын.

ВИДЕО: «Һәјат әнамына Аллаһын ҝөзү илә бах» (5:00)

Һәтта һәјата һөрмәт едән гадын да елә вәзијјәтә дүшә биләр ки, аборту јеҝанә чыхыш јолу кими ҝөрәр. Әшија 41:10 ајәсини охујун вә нөвбәти суаллары мүзакирә един:

• Әҝәр гадын аборт етдирмәјә мәҹбур олдуғуну дүшүнүрсә, кимдән көмәк истәмәлидир? Нәјә ҝөрә?

ИҸМАЛ

Мүгәддәс Китабда дејилир ки, биз Јеһованын бәхш етдији һәјата һөрмәт етмәли, ону севмәли вә горумалыјыг. Бу һәм өзүмүзүн, һәм дә башгаларынын һәјатына аиддир.

Тәкрар

• Нәјә ҝөрә инсан һәјаты Јеһова үчүн дәјәрлидир?

• Кимсә гәсдән инсан һәјатына сон гојса, Јеһова буна неҹә јанашар?

• Сиз һәјат әнамыны нәјә ҝөрә гијмәтләндирирсиниз?

Ә Л А В Ә  М Ә Л У М А Т

Бәхш етдији һәјата ҝөрә Јеһоваја миннәтдарлығымызы неҹә ҝөстәрә биләрик?

«Нәғмә 141. Һәјат бир мөҹүзә» (2:41)

Аллаһ аборт етдирмиш гадыны бағышлајар?

«Мүгәддәс Китабда аборт һагда нә дејилир?» (интернет мәгаләси)

Аллаһын һәјата бахышы әјләнҹә сечимимизә неҹә тәсир етмәлидир?

«Екстремал идман нөвләри. Һәјатынызы рискә атмаға дәјәр?» («Ојанын!», 8 октјабр 2000)

Интиһар дүшүнҹәләри илә мүбаризә апаран инсана Мүгәддәс Китаб неҹә көмәк едә биләр?

«Өлмәк истәјирәм. Бу һиссләрлә мүбаризәдә Мүгәддәс Китаб мәнә көмәк едә биләр?» (интернет мәгаләси)