Һазырам?
Јығынҹагла бирҝә тәблиғ етмәјә һазырам?
Вәфтиз олунмамыш тәблиғчи олмаг үчүн ҝәрәк сиз...
мүнтәзәм олараг Мүгәддәс Китабы арашдырасыныз, дуа едәсиниз вә јығынҹаг ҝөрүшләринә ҝәләсиниз;
өјрәндијиниз һәгигәтләри гијмәтләндирәсиниз, онлара инанасыныз вә башгаларына онлар һагда данышмаг истәјәсиниз;
Јеһованы севәсиниз вә достларынызы Ону севән инсанларын арасындан сечәсиниз;
сијаси тәшкилатларла, јахуд јалан динлә әлагәни тамамилә кәсәсиниз;
Јеһованын гајда-ганунларына ујғун јашајасыныз вә Јеһованын Шаһиди олмаг истәјәсиниз.
Әҝәр јығынҹагла бирҝә тәблиғ етмәјә һазыр олдуғунузу дүшүнүрсүнүзсә, буну сизә дәрс кечән мәсиһијә билдирин. О, ағсаггаллардан хаһиш едәҹәк ки, тәблиғчи олмаға һазыр олуб-олмадығыныз барәдә сизинлә сөһбәт етсинләр.
Вәфтиз олунмаға һазырам?
Вәфтиз олунмаға һазыр олмаг үчүн ҝәрәк сиз...
вәфтиз олунмамыш тәблиғчи оласыныз;
тәблиғ ишиндә баҹардығыныз гәдәр мүнтәзәм иштирак едәсиниз;
садиг вә ағыллы нөкәри дәстәкләјәсиниз вә ҝөстәришләринә әмәл едәсиниз (Мәтта 24:45—47);
дуада өзүнүзү Јеһоваја һәср едәсиниз вә Она әбәдијјән хидмәт етмәк истәјәсиниз.
Әҝәр вәфтиз олунмаға һазыр олдуғунузу дүшүнүрсүнүзсә, буну сизә дәрс кечән мәсиһијә билдирин. О, ағсаггалларла ҝөрүшмәјиниз үчүн тәдбир ҝөрәҹәк. Ағсаггаллар вәфтизә һазыр олуб-олмадығыныз барәдә сизинлә сөһбәт едәҹәкләр.