«Мәсиһи һәјаты вә ибадәти. Иш дәфтәри» үчүн мәнбәләр
ЈАНВАР
*** ит-У абз. 5***
«Әһәз»
5 Әшија 7:8 ајәсиндә Әшија пејғәмбәрлик етмишди ки, Әфраим алтмыш беш илә «дармадағын олаҹаг». «Алтмыш беш ил»лә бағлы бир китабда дејилир: «Исраил бир дәфә бу вахтдан (Әшијанын бу пејғәмбәрлији сөјләдији вахтдан) бир, ја да ики ил сонра сүрҝүн едилди. Буну Тиглатпаласар етди (2 Падшаһлар 15:29). Икинҹи дәфә исраиллиләри Һушәнин һакимијјәти дөврүндә Салманасар сүрҝүн етди (2 Падшаһлар 17:1—6), бу, тәхминән ијирми ил сонра баш верди. Сонунҹу дәфә исә исраиллиләри Асархаддон сүрҝүн етди вә Сәмәријјәјә башга халглары көчүрдү. Бу дәфә Исраил бирдәфәлик дармадағын олду, бу адда халг олмады. Асархаддон исраиллиләри сүрҝүн едәндә Јәһуда падшаһы Мәнәссәни дә әсир апарды. Сонунҹу сүрҝүн Асархаддонун һакимијјәтинин ијирми икинҹи илиндә, бу пејғәмбәрлијин дејилдији вахтдан алтмыш беш ил сонра баш верди (Үзејир 4:2, 3, 10 ајәләрини 2 Падшаһлар 17:24; 2 Салнамәләр 33:11 ајәләри илә мүгајисә един). («Ҹомментарј он тһе Wһоле Библе» бј Жамиесон, Фауссет, анд Броwн)
*** w86-У 15/6 с. 9, абз. 2***
Јеһова вәдләрини јеринә јетирир!
2 Јеһованын нәзәри садиг бәндәләринин үстүндә иди (2 Салнамәләр 16:9). Аллаһын руһу сајәсиндә гүввәтләнән ағсаггаллар горхуја дүшмәдиләр. Онлар Курушун унудулмуш фәрманына истинад етдиләр. Фарс гануну дәјишмәз олдуғундан дүшмәнләр шаһын фәрманына гаршы чыхмаға ҹүрәт етмәдиләр (Дәнјал 6:8, 15). Бурада ачыг-ајдын Јеһованын әли ҝөрүнүр. Беләликлә, иш давам етди.
*** w86-У 1/7 с. 22, чәр.***
Јеһованын нәзәри ағсаггалларын үстүндә иди
БУ ҜҮН ағсаггаллар тез-тез гәрар вермәли олурлар. Һәрдән онлара елә ҝәлә биләр ки, мүәјјән мәсәләләри һәлл етмәк үчүн кифајәт гәдәр билик вә тәҹрүбәләри јохдур. Анҹаг ҝәлин Үзејирин дөврүндә Јәһуда ағсаггалларынын үзләшдији вәзијјәтә нәзәр салаг.
Јәһудиләр Бабил әсарәтиндән гајыдандан сонра 16 ил әрзиндә фәалијјәтсиз галдылар. Һәггај вә Зәкәријјә пејғәмбәр халгы силкәләјиб ојатмаға мүвәффәг олду. Онлар јенидән Јеһованын мәбәдинин бәрпасына башладылар. Лакин тезликлә фарс мәмурлары иши дајандырмаға ҹәһд етдиләр. Онлар ҝәлиб сорушдулар: «Бу еви вә бу тикилини кимин ҝөстәриши илә тикирсиниз?» (Үзејир 5:1—3).
Ағсаггалларын бу суала неҹә ҹаваб верәҹәјиндән чох шеј асылы иди. Горхуја дүшсәјдиләр, мәбәдин бәрпасы дајанаҹагды. Јох әҝәр мәмурларла үз-ҝөз олсајдылар, онда ишә дәрһал гадаға гојулаҹагды. Буна ҝөрә дә ағсаггаллар (шүбһәсиз ки, вали Зәрубабилин вә баш каһин Јешунун башчылығы алтында) дүшүнүлмүш ҹаваб вердиләр. Онлар мәмурлара Курушун унудулмуш фәрманыны хатырлатдылар. Һәмин фәрмана әсасән, шаһ јәһудиләрә бу иши ҝөрмәјә изин вермишди. Фарс ганунунун һеч вахт дәјишмәдијини билән мәмурлар шаһ фәрманына гаршы чыхмагдан еһтијат етдиләр вә Дарадан ҹаваб ҝәләнәдәк иши дајандырмадылар. Сонра исә шаһ Дара ишин давам етдирилмәсинә рәсми олараг иҹазә верди (Үзејир 5:11—17; 6:6—12).
Бу ҹүр ҝөзәл нәтиҹә инсан мүдриклијинин мәһсулу дејилди. Үзејир китабында дејилир ки, «Аллаһын нәзәри јәһуди ағсаггалларынын үстүндә иди» (Үзејир 5:5). Ајдындыр ки, һәм ағсаггалларын бу ҹүр ҹаваб вермәси, һәм дә Фарс шаһынын ишин давам етмәсинә изин вермәси Јеһовадан иди. Бу ҝүн мәсиһи ағсаггаллар да чәтин мәсәләләрдә гәрар вермәли оланда, јахуд әлејһдарларла үзләшәндә Јеһоваја үз тутуб Ондан јол ҝөстәрмәји хаһиш едә биләрләр. Зәбур 32:8 ајәсиндә Јеһова дејир: «Сәни өјрәдәҹәјәм, доғру јола јөнәлдәҹәјәм, сәнә нәсиһәт верәҹәјәм, ҝөзүм үстүндә олаҹаг».