Охуҹуларын суаллары

• Мүгәддәс Китабы өјрәнмәјә башламаздан әввәл арвадымла бошандыг. Лакин әхлагсызлыг уҹбатындан дејил, хасијјәтләримиз ујғун ҝәлмәдији үчүн бошанмышдыг. Инди мән мәсиһчијәм. Мүгәддәс Китабын нөгтеји-нәзәринә ҝөрә јени аилә гурмаға һаггым вармы?

Тәсвир етдијиниз вәзијјәтдә олан адамын јенидән аилә гурмасына Мүгәддәс Китаб әсасынын олуб-олмамасы, әввәлки никаһын Аллаһын ҝөзүндә позулуб-позулмамасындан асылыдыр.

Әввәлки никаһыныз сиз мәсиһчи олмаздан әввәл, еһтимал ки, хасијјәтләрин ујғун ҝәлмәмәси кими ганунла мүәјјән олунмуш сәбәбләрдән рәсми сурәтдә позулмушдур. Бундан сонра никаһ дөвләт үчүн е’тибарсыз сајылмышдыр. Лакин сизи белә бир мәсәлә дәриндән марагландырыр ки, Ән Али Ганунвериҹинин нөгтеји-нәзәриндә әввәлки һәјат јолдашынызла “бир бәдән” олараг галмысыныз, ја јох (Тәквин 2:22-24).

Буну баша дүшмәкдә Исанын дедији сөзләр бизә көмәк едәр. Инсанларын мүхтәлиф сәбәбләрдән бошандыгларыны е’тираф етдикдән сонра, Иса әлавә етди: “Ким ҹинси әхлагсызлыгдан [јунанҹа порнеа] башга сәбәблә арвадыны бошајыб башгасы илә евләнәрсә, зина едир” (Матта 19:9; 5:32). Беләликлә, Мүгәддәс Китабын бошанмаға вә јенидән аилә гурмаға јол вердији јеҝанә сәбәб, өзүнә әр-арвад сәдагәтсизлијини вә ҹинси әхлагсызлығын башга азғын нөвләрини дахил едән “зина”, јә’ни порнеадыр.

Беләликлә, һәјат јолдашыныз сәдагәтсизликдә тәгсирләнсәјди, сиз бошанмаг үчүн Мүгәддәс Китаба әсасланан сәбәб әлдә едәрдиниз. Әҝәр сиз сәдагәтсизлик уҹбатындан вә ја һәгигәтә мүвафиг олан диҝәр гануни сәбәбләрдән бошансајдыныз, артыг инди онунла “бир бәдән” сајылмаздыныз. Ејни вәзијјәт, сәдагәтсизлијә сиз јол вермиш олсајдыныз баш верәрди. Арвадыныз сизи бағышламаз вә бошанмағы үстүн тутарды. О заман һәр икиниз, Мүгәддәс Китаб нөгтеји-нәзәриндән сәрбәст олардыныз.

Лакин сиз дејирсиниз ки, бошандығыныз ана гәдәр әхлагсызлыға јол верилмәмишди. Онда Исанын дедикләрини нәзәрә алараг дүшүнмәк олармы ки, бошандыгдан сонра никаһ Аллаһын ҝөзүндә гејри-иради олараг е’тибарсыз сајылыр? Инсан мәсиһчи олдугдан сонра Аллаһдан кечмиш ҝүнаһларынын бағышланмасыны истәсә дә, о, әввәлки мәс’улијјәтләриндән азад олмур (1 Јәһја 1:7; 1 Коринфлиләрә 6:9-11). Фәрз едәк ки, достунуздан борҹ пул алмыш вә һиссә-һиссә гајтармаға разылашмысыныз. Сонра исә мәсиһчи олмусунуз. Бунунла борҹунуздан азад олмусунузму? Јәгин ки, јох. Бундан әлавә, борҹлары гајтармаға даир Аллаһын нөгтеји-нәзәрини өјрәнәндә, јәгин ки, өз мәс’улијјәтинизә даһа ҹидди јанашардыныз (Мәзмур 37:21; 15:4; 112:5). Ејни шеји никаһ һаггында да демәк олар. Сиз аилә гуран андан Аллаһ сизин икинизи “бир бәдән” һесаб етмәјә башламышдыр. Өзүнүздән сорушун: Аллаһын өз нөгтеји-нәзәрини дәјишмәјә әсасы вармы?

Еһтимал ки, вар. Бошанмадан сонра елә бир һадисә баш верә биләрди ки, сизин никаһынызы Аллаһын ҝөзүндә е’тибарсыз едәрди. Бунун неҹә ола биләҹәјини баша дүшмәк үчүн, бу мәсәләни Исанын Матта 19:9 ајәсиндә јазылан сөзләринин әсасында нәзәрдән кечирәк. Әввәлләр әхлагсызлыг етмәдијинизә бахмајараг, әҝәр арвадынызла бошандыгдан сонра “зина” ишләтмиш олсајдыныз никаһыныз е’тибарсыз сајыларды. Һәјат јолдашыныз сизи тәрк етмиш, бир гәдәр вахтдан сонра артыг “бир бәдән” сајылмаманыз үчүн Мүгәддәс Китаб әсасы јаранмышдыр. Лакин бошанмадан сонра “зина” ишләтмәкдә арвадыныз да тәгсиркар ола биләр. Бу һалда Иса, никаһы Аллаһын ҝөзүндә е’тибарсыз сајмаға изн верди, чүнки артыг бошанма һалы баш вермишдир. Инди исә сиз — ҝүнаһсыз әр — мүәјјән едирсиниз ки, кечмиш арвадыныз әхлагсызлыға јол вериб.

Беләликлә, сизин тәсвир етдијиниз вәзијјәтдә, никаһ­дан сонра баш верән һаллар, сизин һәр икинизин Аллаһын ҝөзүндә “бир бәдән” олараг галыб-галмамағынызы мүәјјән етмәкдә һәлледиҹи рол ојнаја биләр.

Әҝәр мүәјјән етсәниз ки, Аллаһын нөгтеји-нәзәриндән јени аилә гурмаға Мүгәддәс Китаб әсасыныз јохдур, онда неҹә олмалы? Өјрәндијиниз Мүгәддәс Китаб һәгигәтләри кечмиш һәјат јолдашынызла бөлүшмәјә чалышын. Бәлкә она баша сала биләҹәксиниз ки, Мүгәддәс Китаб шәхсијјәти јениләшдирмәјә вә әввәлләр чох аҹылар чәкмиш шәхсләрә хошбәхтлик ҝәтирмәјә гадирдир. Әҝәр бир јердә јашамаг гәрарына ҝәлсәниз, никаһынызы гејдијјатдан кечирмәк лазымдыр ки, никаһыныза һамы тәрәфиндән һөрмәт едилсин (Ибраниләрә 13:4).

Әҝәр кечмиш һәјат јолдашыныз һал-һазырда барышмаг истәмирсә, бу вахта гәдәр етдијиниз кими, әхлаги тәмиз һәјат сүрмәјә давам един (Јагуб 3:17; 1 Салониклиләрә 4:3-5). Һәвари Павел ҝөстәрди ки, никаһда олмајанлар өз вахтларыны вә азадлыгларыны лајигли тәрздә һәгиги Аллаһа ибадәтдә кечирә биләрләрa (1 Коринфлиләрә 7:29-35). Мәсиһчи јығынҹағы илә даими үнсијјәт сахламаг вә Аллаһын Кәламыны тәблиғ етмәкдә, о ҹүмләдән шаҝирдләр һазырламагда фәал иштирак етмәк чохлу мәмнунлуг вә сајсыз-һесабсыз хејир-дуалар ҝәтирәҹәкдир.

[Һашијә]