«Биз нә үчүн јашајырыг?»

НОБЕЛ мүкафаты лауреаты, јәһудиләрин сојгырымындан сағ чыхмыш Ели Визел бу суалы «инсан гаршысында дуран ән ваҹиб суал» адландырмышды. Бу һансы суалдыр? «Биз нә үчүн јашајырыг?»

Бу суал сизи дә дүшүндүрүрмү? Бир чохлары онун үзәриндә дүшүнсәләр дә, ҹаваб тапа билмәмишләр. Һәјатын мә’насыны тапмаға чалышан британијалы тарихчи Арнолд Тојнби јазырды: «Инсанын әсас мәгсәди Аллаһы иззәтләндирмәк вә хошбәхтлији әбәдијјән Онда тапмагдыр».

Мараглыдыр ки, үч мин ил бундан әввәл јашамыш вә мүдриклији илә өзүнә шөһрәт газанмыш падшаһ Сүлејман бу суалын ҹавабыны тапмышды: «Нәтиҹә бундан ибарәтдир: Аллаһдан горх, Онун әмрләрини јеринә јетир. Бәли, инсанын әсас вәзифәси будур» (Ваиз 12:13).

Бу әсас принсипи Аллаһын Оғлу Иса Мәсиһ дә тәсдиг етмишдир. Јер үзүндә оларкән Иса сәмави Атасыны иззәтләндирмәк үчүн әлиндән ҝәләни едирди. Јарадана хидмәт етмәк онун һәјатыны зәнҝинләшдирирди. Иса демишди: ‘Мәним јемәјим Мәни Ҝөндәрәнин ирадәсини јеритмәкдир’ (Јәһја 4:34).

Беләликлә, биз нә үчүн јашајырыг? Иса, Сүлејман вә Аллаһын диҝәр хидмәтчиләри кими биз дә Аллаһын ирадәсини јеринә јетирәрәк һәјатын һәгиги мә’насыны вә хошбәхтлији тапа биләрик. Сиз Аллаһа «руһән вә һәгигәтән» ибадәт етмәк һаггында даһа чох билмәк истәјәрдинизми? (Јәһја 4:24). Јахынлығынызда јашајан Јеһованын Шаһидләри бу суалы арашдырмагда сизә мәмнунијјәтлә көмәк едәҹәкләр.