Аллаһын ады вармы?
Адәтән верилән ҹаваблар:
▪ «Аллаһын ады елә Аллаһдыр».
▪ «Аллаһын чохлу ады вар».
▪ «Аллаһын ады јохдур».
Иса бу һагда нә демишди?
▪ «Белә дуа един: “Еј ҝөјләрдә олан Атамыз, адын мүгәддәс тутулсун”» (Матта 6:9). Иса Аллаһын адынын олдуғуна әмин иди.
▪ «Мәнә олан мәһәббәтин онларда олсун, Мән дә онларда олум дејә, Сәнин адыны онлара билдирдим вә билдирәҹәјәм» (Јәһја 17:26). Иса инсанлара Аллаһын адыны ачырды.
▪ «Сиз: “Јеһованын ады илә ҝәләнә ешг олсун!”,— дејәнә гәдәр мәни ҝөрмәјәҹәксиниз» (Лука 13:35, ЈД; Мәзмур 118:26). Иса Аллаһы ады илә чағырырды.
АЛЛАҺ адыны Өзү бизә ачыр. О, Өзү һагда дејир: «Мән Јеһовајам, исмим одур»a (Јешаја 42:8, КМ). Аллаһын Өзүнә вердији Јеһова ады ибрани сөзүдүр. Ола билсин, бу надир адын Мүгәддәс Китабын гәдим әлјазмаларында бир нечә мин дәфә јазылдығыны билмәк сизи тәәҹҹүбләндирәҹәк. Әслиндә, Мүгәддәс Китабда бу ада башга адлардан даһа тез-тез раст ҝәлинир.
«Аллаһын ады нәдир?» суалына бәзиләри «Аллаһ» дејә ҹаваб верирләр. Анҹаг бу «Сечкиләрдә ким галиб ҝәлди?» суалына «намизәд» дејә ҹаваб вермәјә бәнзәјир. Буну исә ҹаваб адландырмаг олмаз. Нә аллаһ, нә дә намизәд сөзү ад олмадығындан, бунлар ајдын ҹаваб дејил.
Нәјә ҝөрә Аллаһ Өз адыны бизә ачыб? Ону даһа јахшы танымағымыз үчүн. Мәсәлән, вәзијјәтдән асылы олараг, инсан ҹәнаб, рәис, ата, баба адлана биләр. Бу сөзләр һәмин инсан һаггында нә исә ачыглајыр. Лакин јалныз инсанын ады онун һаггында билдијимиз һәр шеји јадымыза салыр. Буна бәнзәр шәкилдә, Аллаһ, Күлли-Ихтијар, Ата, Јарадан титуллары Аллаһын фәалијјәтинин мүхтәлиф јөнләрини ачыглајыр. Анҹаг јалныз Онун шәхси ады олан Јеһова Онун һаггында билдијимиз һәр шеји јадымыза салыр. Аллаһын адыны билмәдән Ону неҹә танымаг олар?
Лакин Аллаһын адыны тәкҹә билмәк јох, Ону ады илә чағырмаг да ваҹибдир. Нә үчүн? Чүнки Мүгәддәс Китабда дејилир: «Рәббин адыны чағыран һәр кәс гуртулаҹаг» (Ромалылара 10:13; Јоел 2:32).
[Һашијә]
a Аллаһын адынын мәнасы вә она Мүгәддәс Китабын бәзи тәрҹүмәләриндә нәјә ҝөрә раст ҝәлинмәдији һагда әлавә мәлумат Јеһованын Шаһидләри тәрәфиндән дәрҹ едилмиш «Мүгәддәс Китаб әслиндә нә өјрәдир?» китабынын 195-197-ҹи сәһифәләриндә јерләшир.
[6-ҹы сәһифәдәки шәкил]
Вәзијјәтдән асылы олараг, инсан ҹәнаб, рәис, ата, баба адлана биләр. Лакин јалныз инсанын ады онун һаггында билдијимиз һәр шеји јадымыза салыр.