Аллаһ мәним гајғыма галырмы?
Адәтән верилән ҹаваблар:
▪ «Аллаһын иши-ҝүҹү гуртарыб ки, мәним проблемләрими дүшүнсүн?»
▪ «Мәнҹә, һәјатымда баш верәнләр Аллаһы марагландырмыр».
Иса бу һагда нә демишди?
▪ «Мәҝәр беш сәрчә ики ассаријә сатылмырмы? Вә Аллаһын јанында онлардан һеч бири унудулмамышдыр. Сизин башыныздакы сачларын һамысы да белә сајылмышдыр. Одур ки, горхмајын; сиз бир чох сәрчәдән даһа дәјәрлисиниз» (Лука 12:6, 7). Шүбһәсиз ки, Иса Аллаһын гајғымыза галдығыны дејирди.
▪ «“Нә јејәҹәјик?”, “Нә ичәҹәјик?”, “Нә ҝејәҹәјик?” — дејә гајғы чәкмәјин. Чүнки бүтүн бу шејләри бүтпәрәстләр ахтарырлар; сәмави Атаныз да бүтүн бу шејләрә еһтијаҹ дујдуғунузу билир» (Матта 6:31, 32). Иса әмин иди ки, Аллаһ нәјә еһтијаҹ дујдуғумузу билир.
МҮГӘДДӘС КИТАБ Аллаһын бизим рифаһымызла марагландығыны бирмәналы шәкилдә дејир (Мәзмур 55:22; 1 Петер 5:7). Әҝәр бу беләдирсә, бәс онда нә үчүн бу гәдәр әзијјәт чәкирик? Аллаһ мәһәббәтли вә ҝүҹлүдүрсә, онда нә үчүн әзаблара сон гојмур?
Бу суаллара ҹаваб вермәк үчүн чохларына мәлум олмајан бир һәгигәтә диггәт јетирмәк лазымдыр: Шејтан Иблис һазыркы пис дүнјанын рәһбәридир. Исаны сынаға чәкәндә Шејтан она дүнјанын бүтүн падшаһлыгларыны тәклиф етди: «Бүтүн бу өлкәләр үзәриндә һакимијјәти вә онларын шан-шөһрәтини Сәнә верәҹәјәм; чүнки бу мәнә верилмишдир вә мән кимә истәсәм она верирәм» (Лука 4:5-7).
Ким Шејтаны бу дүнјанын рәһбәри едиб? Улу валидејнләримиз Адәмлә Һәвва Шејтана гулаг асыб, Аллаһдан үз дөндәрәндә Шејтаны, маһијјәт етибарилә, өз рәһбәрләри сечмиш олдулар. Һәмин үсјандан бәри Јеһова Аллаһ сәбир едир. О јол верди ки, Шејтанын һакимијјәтинин уғурсуз олдуғуну заман өзү ҝөстәрсин. Јеһова һеч кими Она хидмәт етмәјә мәҹбур етмир, бунунла белә инсанларын Она дөнмәсинә јол ачыб (Ромалылара 5:10).
Аллаһ гајғымыза галдығындан Исаја бизи Шејтанын һакимијјәти алтындан азад етмәк сәлаһијјәтини вериб. Јахын ҝәләҹәкдә Иса ‘өлүм үзәриндә һакимијјәтә малик оланы, јәни иблиси тәсирсиз һала ҝәтирәҹәк’ (Ибраниләрә 2:14). Бунунла да, ‘иблисин әмәлләрини пуч едәҹәк’ (1 Јәһја 3:8).
Јер үзүндә Ҹәннәт бәрпа едиләҹәк. О заман Аллаһ ‘ҝөзләрдән бүтүн јашлары силәҹәкдир. Артыг өлүм мөвҹуд олмајаҹаг; артыг нә кәдәр, нә фәрјад, нә дә ағры олаҹагдыр, чүнки әввәлки шејләр кечиб ҝедәҹәкa (Вәһј 21:4, 5).
[Һашијә]
a Аллаһын әзаблара нәјә ҝөрә јол вердији һагда даһа чох мәлумат алмаг үчүн Јеһованын Шаһидләри тәрәфиндән дәрҹ едилмиш «Мүгәддәс Китаб әслиндә нә өјрәдир?» китабынын 11-ҹи фәслинә бахын.
[8-ҹи сәһифәдәки шәкил]
Јер үзүндә Ҹәннәт бәрпа едиләҹәк