Е’ланлар
◼ Јанвар ајында пајланаҹаг әдәбијјат: Јығынҹагда олан һәр һансы 192 сәһифәлик китаб. Феврал: “Аилә хошбәхтлијинин сирри”. Март: “Әбәди һәјата апаран билик”. Гүввәмизи хүсусилә Мүгәддәс Китаб өјрәнмәси башламаға јөнәлтмәлијик. Апрел: “Ҝөзәтчи Гүлләси” журналы. Тәкрар башчәкмә заманы мараг ҝөстәрән инсанлара вахташыры журнал ҝәтирмәји планлашдыр. Мүгәддәс Китаб өјрәнмәси башламаға чалышараг, “Аллаһ тәләб едир” брошүрасыны тәклиф ет.
◼ “Бизим Падшаһлыг Хидмәтимиз”ин бу сајына “Һәр Мүгәддәс Јазы Аллаһдан илһам алмыш вә фајдалыдыр” [си] китабындан ҝөтүрүлмүш материал (1-ҹи һиссә) дахил олан әлавә вәрәгә әлавә едилмишдир. Ону сахламаг лазымдыр, белә ки, Теократик Хидмәт Мәктәбинин 2003-ҹү ил үчүн олан програмында верилән бә’зи тапшырыглар бу материала әсасланаҹаг.
◼ Февралдан вә ја ән ҝеҹи мартын 2-дән башлајараг рајон нәзарәтчиси “Зүлмәт дүнјасындан гуртулуш” адлы јени ачыг мә’рузә илә чыхыш едәҹәк.
◼ Јығынҹаглар, бу ил апрелин 16-да, чәршәнбә ҝүнү, ҝүнәшин батмасындан сонра кечириләҹәк Хатирә Ҝеҹәси илә әлагәдар әввәлҹәдән лазыми һазырлыг ҝөрмәлидирләр. Мә’рузә ҝүнәш батмамышдан габаг башланса да, символлары ҝүнәш батмамышдан габаг вермәк олмаз. Јерли мәнбәләрдән һәмин ҝүн сизин әразидә ҝүнәшин нә вахт батаҹағыны габагҹадан өјрәнин. Әҝәр Падшаһлыг Залындан бир нечә јығынҹаг истифадә едирсә, јәгин ки, һәмин ҝеҹә үчүн јығынҹаглардан бири вә ја бир нечәси башга јер тапа биләрләр. Имкан олан јерләрдә програмлар арасында ән азы 40 дәгигә фасилә етмәк јахшы оларды. Бу, иштирак едәнләрин һамысына һәмин ҝөрүшдән јүксәк фајда әлдә етмәјә көмәк едәр. Һәмчинин диггәт јетирмәк лазымдыр ки, нәглијјат һәрәкәтинә манечилик төрәдилмәсин вә автомобил дајанаҹағында, хүсусән дә Хатирә Ҝеҹәсинә ҝәләнләри дүшүрүб миндирән заман проблем јаранмасын. Јерли шәраити нәзәрә алараг, ағсаггаллар шурасы лазыми тәдбир ҝөрәҹәкдир.
◼ Бу сајдан башлајараг “Бизим Падшаһлыг Хидмәтимиз”дә бир даһа јени нәшрләрин сијаһысы дәрҹ олунмајаҹаг. Артыг бу мә’лумат һәр ај јығынҹагларын һамысына, “Бүтүн јығынҹаглара е’лан” адлы хүсуси мәктубда ҝөндәриләҹәк. Бу мәктуб јығынҹаға ҝәләндә, јени нәшрләрин арасында, еһтимал етдијиниз кими, сизин јығынҹағын тәблиғчиләрини марагландыраҹаг нәшрләри гејд един вә нөвбәти хидмәти ҝөрүшдә һәмин нәшрләри е’лан един. Сонра мәктубу е’ланлар лөвһәсинә асмаг олар. Бундан сонра, әдәбијјат үчүн ҹавабдеһ гардаш һәмин мәктубу өзүндә сахламалыдыр.