Суаллар гутусу
◼ Әҹнәби дилли групу нә заман тәшкил етмәк олар?
Јығынҹағын әразисиндә әҹнәби дилдә данышан чох сајда инсанлар јашајырса, ағсаггаллар һәмин дилдә тәблиғ хидмәти тәшкил етмәк үчүн әлләриндән ҝәләни етмәлидирләр (км 7/02 сәһ. 1; км 2/98 сәһ. 3-4, рус.). Ола билсин ки, әҹнәби дилли инсанлар ики вә ја даһа артыг гоншу јығынҹагларын әразисиндә јашајырлар. О заман рајон нәзарәтчиси (вә ја нәзарәтчиләри), һәмин јығынҹагларын әҹнәби дилли әһалијә тәблиғ етмәк сә’јләрини истигамәтләндирмәк үчүн лазыми ҝөстәришләр верәҹәк. Башга дидлә кечирилән ҝөрүшә ҝәлә биләҹәк адамларын сајыны мүәјјән етмәк үчүн, һәрдәнбир һәмин дилдә ачыг мә’рузәләр тәшкил етмәк вә ја “Ҝөзәтчи Гүлләси”нин өјрәнилмәсини кечирмәк лазымдыр.
Әҹнәби дилли групу о һалларда тәшкил етмәк олар ки: 1) хош хәбәри өз доғма дилләриндә даһа јахшы баша дүшән әҹнәби дилли тәблиғчиләр вә ја мараглананлар олсун, 2) һеч олмаса һәфтәдә бир дәфә ҝөрүш кечирә биләҹәк тәҹрүбәли ағсаггал вә ја хидмәти көмәкчи олсун, 3) ағсаггаллар шурасы бу групун гајғысына гала билсинләр. Бу шәртләрә риајәт олунурса, ағсаггаллар бу груп һаггында филиала хәбәр вермәлидирләр ки, һәмин групу гејдијјата алыб, нөвбәти ҝөстәришләр тәгдим едә билсинләр.
Әҹнәби дилли групларын әксәријјәти өз ҝөрүшләрини һәфтәдә бир дәфә кечирилән китабөјрәнмәдән башлајырлар. Бир гәдәр кечдикдән сонра ағсаггаллар башга ҝөрүшләрин дә, мәсәлән, ачыг ҝөрүшүн вә “Ҝөзәтчи Гүлләси”нин өјрәнилмәсинә дә разылыг верә биләрләр. Әҝәр бу дилдә данышан вә нитгләр үзрә мәсләһәт верә билән тәҹрүбәли ағсаггал вә ја хидмәти көмәкчи варса, Теократик Хидмәт Мәктәбинин әлавә синфиндә бу дилдә 2, 3 вә 4№-ли тапшырыгларла нитгләр тәшкил етмәк олар. Лакин тә’лим нитгинә, Мүгәддәс Китабдан диггәтәлајиг фикирләрә груп бүтүн јығынҹагла бирликдә гулаг асаҹаг вә хидмәти ҝөрүшдә јығынҹагла бирликдә иштирак едәҹәк. Әҹнәби дилдә олан груп һәмчинин өз диллиндә тәблиғ үчүн ҝөрүш кечирә биләр.
Бүтүн груп ағсаггаллар шурасынын нәзарәти алтында фәалијјәт ҝөстәрмәлидир. Ағсаггаллар група өз мәсләһәтләри илә көмәк етмәли вә онларын тәләбатлары илә фәал сурәтдә марагланмалыдырлар. Јығынҹаға рајон нәзарәтчиси ҝәлән заман, о, әҹнәби дилли групу руһән мөһкәмләндирмәк үчүн онунла да әмәкдашлыг етмәлидир. Вахт өтдүкҹә, әҹнәби дилли груп Јеһованын хејир-дуасы илә ајрыҹа јығынҹаға чеврилә биләр.