Е’ланлар

◼ Јанвар: “Аилә хошбәхтлијинин сирри” китабы вә јығынҹагда олан һәр һансы 32 сәһифәлик брошүра. Феврал: “Һамы үчүн олан китаб” адлы брошүра. Март: “Әбәди һәјата апаран билик”. Мүгәддәс Китаб өјрәнмәси башламаг үчүн хүсуси сә’ј ҝөстәриләҹәк. Ев саһибиндә бу китаб оларса, онда “Аилә хошбәхтлијинин сирри” китабыны тәклиф един. Апрел: “Ҝөзәтчи Гүлләси” журналы. Һәр бир имкандан истифадә едәрәк Мүгәддәс Китаб өјрәнмәси башлајын, хүсусилә дә Мүгәддәс Китабы әввәлләр “Билик” китабы вә ја “Аллаһ тәләб едир” брошүрасы васитәсилә өјрәнәнләрлә.

◼ Феврал ајындан вә ја ән ҝеҹи мартын 7-дән башлајараг рајон нәзарәтчиси “Сән кимин дәјәрләрини гијмәтләндирирсән” адлы јени ачыг мә’рузә илә чыхыш едәҹәк.

◼ Јығынҹаглар бу ил апрелин 4-дә, базар ҝүнү, ҝүнәшин батмасындан сонра гејд олунаҹаг Хатирә Ҝеҹәси илә әлагәдар лазыми һазырлыг ҝөрмәлидирләр. Мә’рузә ҝүнәш батмамышдан габаг башланса да, символлары ҝүнәш батмамышдан габаг вермәк олмаз. Јерли мәнбәләрдән сизин әразидә ҝүнәшин нә вахт батаҹағыны өјрәнин. Һәмин ҝүн тәблиғ ҝөрүшүндән башга һеч бир ҝөрүш кечирилмәли дејил. Буна ҝөрә “Ҝөзәтчи Гүлләси”нин өјрәнилмәсинин башга вахта кечирилмәси үчүн гајғы ҝөстәрмәк лазымдыр. Јерли шәраитә мүвафиг олараг рајон нәзарәтчиләри һәмин һәфтә үчүн јығынҹагларла ҝөрүш графикини дә дәјишмәлидирләр. Бахмајараг ки, Хатирә Ҝеҹәсини һәр јығынҹағын ајры гејд етмәси јахшыдыр, бу һәмишә мүмкүн олмур. Әҝәр Падшаһлыг Залындан бир нечә јығынҹаг истифадә едирсә, јәгин ки, һәмин ҝеҹә үчүн јығынҹаглардан бири вә ја бир нечәси башга јер тапа биләр. Гонаглары саламламаг, тәзәликҹә мараглананлары руһландырмаг вә бу мәрасимдән там фајда әлдә етмәк үчүн, имкан олан јерләрдә мәсләһәт биләрдик ки, програмлар арасында ән азы 40 дәгигә фасилә едилсин. Һәмчинин диггәт јетирмәк лазымдыр ки, нәглијјат һәрәкәтинә манечилик төрәдилмәсин вә автомобил дајанаҹағында, хүсусән дә Хатирә Ҝеҹәсинә ҝәләнләри дүшүрүб миндирдијимиз заман проблем јаранмасын. Јерли шәраити нәзәрә алараг, ағсаггаллар шурасы лазыми тәдбир ҝөрәҹәкдир.