Јахшылыг ет вә башгалары илә бөлүш
1 Табитанын «етдији хејирли ишләр вә вердији сәдәгәләр лап чох иди» (Һәвариләрин ишләри 9:36, 39). Табитаны таныјанлар вә Аллаһ ону бу ҹүр ҹомәрдлијинә ҝөрә севирдиләр. Ибраниләрә 13:16 ајәсиндә дејилир: «Јахшылыг етмәји вә малынызы башгалары илә бөлүшдүрмәји јаддан чыхармајын, чүнки бу ҹүр гурбанлар Аллаһа мәгбулдур». Биз бу мәсләһәтә неҹә риајәт едә биләрик?
2 Мәсәлән, ‘вар-дөвләтимизлә’ бөлүшмәклә (Сүл. мәс. 3:9). Үмумдүнја ишинә етдијимиз ианәләр сајәсиндә бүтүн дүнјада Падшаһлыг вә Конгрес Заллары, һәмчинин филиаллар тикилир. Әлиачыглығымыз милјонларла инсанларын теократик тә’лимдән вә инкишафетдириҹи руһани үнсијјәтдән фајда әлдә етмәләринә имкан вермишдир.
3 Башгалары илә бөлүшмәклә, онлара тәсәлли веририк. Јеһованын халгы фәлакәтдән зәрәр чәкән һәмиманлыларына, еләҹә дә иманларына шәрик олмајан инсанлара ‘јахшылыг етмәјә’ һазырдыр (Галат. 6:10). Франсадакы кимја заводунда баш верән партлајышдан сонра, јахынлыгда јашајан бир әр-арвад демишдир: «Һәмиманлыларымыз дәрһал көмәјимизә ҝәлдиләр. Онлар һәм бизим мәнзили, һәм дә бинамызда олан диҝәр мәнзилләри тәмизләмәкдә көмәк етдиләр. Бу гәдәр адамын көмәјә ҝәлмәси гоншуларымызы тәәҹҹүбләндирди». Башга бир баҹы исә әлавә етмишдир: «Биз ағсаггалларымызын гајғысыны һисс етдик. Онлар бизи руһландырмаға ҝәлмишдиләр. Бизим буна, мадди көмәкдән дә чох еһтијаҹымыз варды».
4 Јахынларымыза көмәк етмәјин мүхтәлиф үсуллары олса да, ән ваҹиби — Јеһованын вә’д етдији «әбәди һәјат үмидин»и дә дахил едән дәјәрли һәгигәт биликләрини онларла бөлүшмәкдир (Тит. 1:1, 2). Дүнјада һөкм сүрән шәраитин вә өз ҝүнаһлы вәзијјәтинин уҹбатындан јаслы оланлара Мүгәддәс Китабда јазылан хәбәр әсл тәсәлли верир (Мат. 5:4). Ҝәлин әлимиздән ҝәлдији гәдәр јахшылыг едәк вә башгалары илә бөлүшәк (Сүл. мәс. 3:27).