Јахшы һазырлашараг сәмими мараг ҝөстәр
1 Хидмәтә јахшы һазырлашмагла инсанлара сәмими мараг ҝөстәрә биләрик. Бу неҹә мүмкүндүр? Белә һазырлыг, фикримизин едәҹәјимиз тәгдимәјә дејил, ев саһибинә ҹәмләшмәсинә көмәк едәҹәк. Бунун сајәсиндә, һәјәҹанланмадан сәрбәст данышмаг олар. Бәс тәгдимәмизин тә’сирли олмасы үчүн нә едә биләрик?
2 Тәгдимәни һәмсөһбәтинә ујғунлашдыр. «Бизим Падшаһлыг Хидмәтимиз»ин 2006-ҹы ил јанвар сајындакы тәгдимәләрдән әразинизә мүнасиб оланыны сеч вә ону өз сөзләринлә неҹә ифадә едәҹәјини дүшүн. Тәгдимәни әразинизә ујғунлашдыр. Мәсәлән, әҝәр сән тез-тез башга милләт вә ја диндән олан инсанлара раст ҝәлирсәнсә, онлары нә марагландырдығы һагда дүшүн. Тәгдимәни һәмсөһбәтинә ујғунлашдырмагла, инсанларла һәгигәтән дә марагландығыны ҝөстәрәҹәксән (1 Кор. 9:22).
3 Тәгдимәдән истифадә етмәјә башладыгдан сонра, ону даһа да тәкмилләшдирмәјә чалыш. Ҝириш сөзләри хүсусилә ваҹиб олдуғу үчүн инсанларын ҝөстәрдикләри мүнасибәтә диггәт јетир. Тохундуғун мөвзу онлары марагландырырмы? Вердијин суала ҹаваб алырсанмы? Әҝәр белә дејилсә, о заман јахшы нәтиҹәләр әлдә едәнәдәк тәгдимәнин үзәриндә ишлә.
4 Тәгдимәни неҹә јадда сахламаг олар? Чохларына гапынын ағзында тәгдимәни јада салмаг ҹәтиндир. Әҝәр сәндә дә белә чәтинлик варса, о заман сән тәгдимәни башга адама сөјләјәрәк мәшг етмисәнми? Бу сәнә әсас мөвзуну јадда сахламаға вә ону садә, мәнтиглә ифадә етмәјә көмәк едәҹәк. Бу, һәмчинин сәнә мүхтәлиф ҹаваблар аланда өзүнү итирмәмәјә көмәк едәҹәк.
5 Тәгдимәни унутмамаг үчүн ону вәрәгәдә гыса шәкилдә јазыб, гапыја јахынлашанда нәзәрдән кечирмәк олар. Бә’зиләринә белә гыса хатырлатмалар өзүнү даһа сәрбәст һисс етмәјә вә инсанларла асанлыгла сөһбәтә башламаға көмәк едир. Беләликлә, јахшы һазырлыг башгаларына сәмими мараг ҝөстәрмәјә вә мүждәни тәгдим етмә үсулларыны јахшылашдырмаға көмәк едәҹәкдир.