Чап едилмиш тәгдимәләрдән истифадә үсуллары
1. Тәгдимәләр нә үчүн чап едилир?
1 Мүнтәзәм олараг «Бизим Падшаһлыг Хидмәтимиз»дә журналларын вә диҝәр нәшрләрин тәгдимәләри чап едилир. Бу тәгдимәләри тәблиғ хидмәтиндә сөзбәсөз тәкрар етмәк лазым дејил. Онлар бизим нә дејәҹәјимиз һагда үмуми тәсәввүр вермәк үчүн нәзәрдә тутулуб. Адәтән тәгдимәләри өз сөзләримизлә дејәндә даһа еффектли олур. Әҝәр тәблиғдә фикирләримизи тәбии ифадә етсәк, инсанлар бизим сәмими олдуғумузу ҝөрәҹәк вә өзләрини сәрбәст һисс едәҹәкләр (2 Кор. 2:17; 1 Салон. 1:5).
2. Тәгдимә һазырлајаркән нәјә ҝөрә јерли адәт-ән’әнәләри нәзәрә алмалыјыг?
2 Тәгдимәни шәраитә ујғунлашдыр. Хош хәбәри неҹә тәгдим етмәјимиз даһа чох јерли адәт-ән’әнәләрдән асылыдыр. Сәнин јашадығын әразидә сөһбәтә башламаздан әввәл саламлашмаг адәти вармы, јохса сәнин дәрһал мәтләбә кечәҹәјин ҝөзләнилир? Мүхтәлиф јерләрдә әдәб гајдалары фәрглидир. Инсанлар да мүхтәлифдирләр. Һәмчинин суаллар верәркән узагҝөрән олмаг лазымдыр. Бә’зи јерләрдә мүнасиб сајылан суаллар, башга јердә јашајан инсанлары пис вәзијјәтдә гоја биләр. Бу сәбәбдән биз дәрракәли олмалы вә тәгдимәләримизи јерли адәт-ән’әнәләрә ујғунлашдырмалыјыг.
3. Сөһбәт етдијимиз адамларын тәһсил сәвијјәсини вә дүшүнҹә тәрзини нә үчүн нәзәрә алмалыјыг?
3 Тәблиғ хидмәтинә һазырлашаркән бизим әразидә јашајан инсанларын тәһсил сәвијјәсини вә дүшүнҹә тәрзини дә нәзәрә алмаг лазымдыр. Мәсәлән, Матта 6:9, 10 ајәләринин диндар католиклә мүзакирәси «Рәббин дуасы»ны билмәјән инсанла едилән мүзакирәдән фәргләнәҹәкдир. Тәгдимәләрин үзәриндә бир гәдәр дүшүнмәклә, онлары елә дәјишә биләрик ки, хидмәтдә растлашдығымыз инсанлара ујғун ҝәлсин (1 Кор. 9:20-23).
4. Јахшы һазырлыг нәјә ҝөрә ваҹибдир?
4 Чап едилмиш тәгдимәни олдуғу кими истифадә етмәк гәрарына ҝәлсәк белә, һәмин тәгдимәјә јахшы-јахшы һазырлашмаг лазымдыр. Ҝөстәрмәк истәдијимиз мәгаләни вә ја фәсли диггәтлә охумалы вә мараг ојада биләҹәк фикирләри гејд етмәлијик. Сонра исә һәмин фикирләри тәгдимәјә дахил едә биләрик. Нәшрләримизин ҝөзәл мәзмуну илә јахшы таныш олсаг, онлары јалныз о заман шөвглә тәгдим едә биләрик.
5. Нә үчүн башга тәгдимә һазырламаг олар вә буну неҹә едә биләрик?
5 Диҝәр үсуллар. Биз хидмәтдә јалныз чап едилмиш тәгдимәләрдәнми истифадә етмәлијик? Хејр. Әҝәр сәнин үчүн башга тәгдимәләри вә ја ајәләри истифадә етмәк даһа асандырса, сән белә дә ет. Журналлары тәклиф едәркән тәгдимәмизи мүтләг ҝириш мәгаләләрә әсасландырмаг тәләб дејил. Тәгдимәләри сизин әразидәки инсанлара даһа мараглы олан башга мәгаләләрин әсасында да һазырламаг олар. Хидмәти ҝөрүшдә тәгдимәләрин нүмајишиндә, сизин әразидә еффектли олан мүхтәлиф үсуллардан истифадә олуна биләр. Һамы хош хәбәри тәблиғ етмәкдә даһа мүвәффәгијјәтли олмаг үчүн көмәк әлдә едәҹәк.