Падшаһлыға олан үмидимизи башгалары илә бөлүшүрүк
1 Сон дәрәҹә чәтин олан ахыр ҝүнләрдә бир чохларында үмид галмајыб (Ефес. 2:12). Диҝәрләри вар-дөвләтә, инсан рәһбәрләринә, мүасир елмә вә бу кими башга шејләрә бел бағлајырлар. Ҝәләҹәјә даир һәгиги, ‘ҹан лөвбәри кими мөһкәм вә мәтин’ үмидә малик олдуғумуз үчүн биз неҹә дә хошбәхтик! (Ибр. 6:19).
2 Аллаһын Падшаһлығы бүтүн Јер күрәсини Ҹәннәтә чевирәҹәк. Өлән әзизләримиз дириләҹәк (Һәв. иш. 24:15). Јохсуллуг, әдаләтсизлик, хәстәликләр, гоҹалыг вә өлүм кечмишдә галаҹаг (Мәз. 9:18; Мат. 12:20, 21; Вәһј 21:3, 4). Бунлар, Јеһованын тезликлә јеринә јетирәҹәји вә’дләриндән бир нечәсидир. Бәс сән Јеһованын һансы вә’динин јеринә јетмәсини хүсусилә ҝөзләјирсән?
3 Хош хәбәри бәјан едирик. Биз Падшаһлыға олан үмидимизи өзүмүздә сахламамалыјыг. Аллаһа вә инсанлара бәсләдијимиз севҝи бизи ‘јохсуллара Мүждәни билдирмәјә, әсирләрә һүрр олаҹагларыны, корлара ҝөзләринин ачылаҹағыны тәблиғ етмәјә, әзиләнләрин азад едиләҹәјини’ бәјан етмәјә тәшвиг едир (Лука 4:18). Һәвари Павел хош хәбәри базарларда вә инсанларын олдуғу һәр јердә тәблиғ едирди. О өзүнү тамамилә хидмәтә һәср етмишди (Һәв. иш. 18:5). Әҝәр биз дә онун кими хидмәтдә сә’јлә иштирак етсәк, «дүнјанын гајғылары, зәнҝинлијин алдадыҹылығы» үмидимизи зәифләтмәјәҹәк (Марк 4:19).
4 Хидмәтдә хош хәбәрә е’тинасыз јанашан, демәк олар ки, һеч мараг ҝөстәрмәјән инсанлара раст ҝәләндә, јахуд мүгавимәтлә үзләшәндә Падшаһлыға олан үмидимиз һеч дә зәифләмир. ‘Играр етдијимиз үмиди тәрәддүд етмәдән мөһкәм тутуруг’ (Ибр. 10:23). Биз ‘Мүждәдән утанмырыг’ (Ром. 1:16). Ола билсин, әминликлә вә тә’кидлә хидмәт етмәјимиз кимисә әввәл-ахыр хәбәримизә диггәт јетирмәјә тәшвиг едәҹәк.
5 Инсанларын диггәтини Мүгәддәс Китаб пејғәмбәрликләринин јеринә јетдијини ҝөстәрән дәһшәтли һадисәләрә јөнәлтсәк дә, биз бәд хәбәр ҝәтирәнләр дејилик. Әксинә, биз Падшаһлыға олан үмидимизи — Аллаһын Падшаһлығы һаггында хош хәбәри бөлүшүрүк. Буна ҝөрә, ҝәлин «үмидин вердији там е’тимада наил олмаг үчүн сона гәдәр» хош хәбәри әминликлә вә сә’јлә тәблиғ едәк (Ибр. 6:11).