‘Бу мүждә тәблиғ олунаҹаг!’
1. Һарадан билирик ки, тәблиғ ишини һеч ким дајандыра билмәз?
1 Јеһоваја ирадәсини јеринә јетирмәјә һеч нә мане ола билмәз! (Јешаја 14:24) Һаким Ҝидеонун вә онун 300 адамынын мидјанлыларын 135 000-лик ордусу үзәриндә гәләбә чалмасы гејри-мүмкүн ҝөрүнсә дә, Јеһова она деди: «Исраили Мидјанлыларын әлиндән гуртар. Сәни ҝөндәрән Мән дејиләмми?» (Һак. 6:14) Бәс бу ҝүн Јеһова һансы иши дәстәкләјир? Иса демишди: ‘Сәмави Сәлтәнәт һаггында олан бу Мүждә бүтүн дүнјада тәблиғ олунаҹагдыр’ (Мат. 24:14). Бәли, һеч ким бу иши дајандыра билмәз!
2. Хидмәтдә Јеһованын һәр биримизә дәстәк олаҹағыны нәјә ҝөрә ҝөзләмәлијик?
2 Јеһова һәр биримизә шәхсән көмәк едир. Јеһованын бир халг кими Шаһидләринин наилијјәт газанмасына көмәк едәҹәјинә әмин олдуғумуз һалда һәр биримизи ајры-ајрылыгда дәстәкләјәҹәјини ҝөзләјә биләрикми? Һәвари Павел чәтин анларда Јеһованын Оғлу Иса васитәсилә она шәхсән дәстәк олдуғуну дујмушду (2 Тим. 4:17). Әмин ола биләрик ки, Јеһова бу ҝүн дә Онун ирадәсини јеринә јетирмәк үчүн һәр биримизин ҝөстәрдији сәји хејир-дуаландыраҹаг (1 Јәһ. 5:14).
3. Һансы һалларда Јеһова бизә көмәк едир?
3 Ҝүндәлик гајғыларын уҹбатындан хидмәт етмәјә ҝүҹүнүн галмадығыны һисс едирсәнми? «О, јорғунлара ҝүҹ верәр» (Јешаја 40:29—31). Тәгибләрлә вә мүгавимәтләрлә гаршылашырсанмы? «Сән гајғы јүкүнү Рәббә вер, гој сәнә дајаг олсун» (Мәз. 55:22). Өзүнә әмин олмадығын анлар олур? «Ҝет, Мән ағзынла данышаҹағам» (Чых. 4:11, 12). Сәһһәтиндә јаранан чәтинликләрә ҝөрә хидмәтдә аз иштирак едирсән? Нә гәдәр сәј ҝөстәрдијимиздән асылы олмајараг, Јеһова үрәкдән ҝәлән сәјләримизи гијмәтләндирир, һәмчинин бундан истифадә едә биләр (1 Кор. 3:6, 9).
4. Јеһоваја ҝүвәнмәк бизи нәјә тәшвиг едәҹәк?
4 Јеһованын «галхмыш әлини ким ҝери дөндәрә биләр?» (Јешаја 14:27) Ҝәлин Јеһованын хидмәтимизә хејир-дуа вердијинә әмин олаг, бунунла да јорулмадан «Рәббә архаланараг, ҹәсарәтлә» тәблиғ етмәјә давам едәк (Һәв. иш. 14:3).