Гој сизин нурунуз ишыг сачсын
1. Биз һансы шәрәфә лајиг ҝөрүлмүшүк?
1 Чыхандан батана гәдәр ҝүнәшин әтрафа сачдығы нурун ҝөзәллији Јеһова Аллаһа иззәт ҝәтирир. Анҹаг Иса шаҝирдләрини башга ҹүр нура — «һәјат нуруна» саһиб олмаға чағырырды (Јәһ. 8:12). Бу руһани нура саһиб олмаг өзүнә бөјүк шәрәф вә мәсулијјәт дахил едир. Иса өјрәдирди ки, бизим нурумуз инсанларын гаршысында ишыг сачмалы вә онлара фајда ҝәтирмәлидир (Мат. 5:16). Руһани гаранлыға гәрг олмуш дүнјада бу ишыға һәмишәкиндән даһа чох еһтијаҹ дујулдуғу үчүн онун нуру һәр тәрәфә ишыг сачмалыдыр! Мәсиһ кими, биз дә нурумузун ишыг сачмасына јол вермәк үчүн нә едә биләрик?
2. Иса неҹә ҝөстәрди ки, руһани нурун ишыг сачмасы олдугҹа ваҹибдир?
2 Тәблиғ етмәклә. Иса вахтыны, ҝүҹүнү вә имканларыны сәрф едирди ки, һәгигәт нуру евләрдә, шәһәр мејданларында, дағларда, бир сөзлә, һәр јердә инсанлара чатдырсын. О, руһани биликләрин фајдасынын данылмаз олдуғуну јахшы баша дүшүрдү (Јәһ. 12:46). Иса өз шаҝирдләрини «дүнјанын нуру» кими һазырлады ки, һәгигәт нуру даһа чох инсана чатсын (Мат. 5:14). Онлар инсанлара јахшылыг етмәклә вә һәгигәти бөлүшмәклә нурларынын ишыг сачмасына јол верирләр.
3. Һәгигәт нуруна ҝөрә миннәтдарлығымызы неҹә ҝөстәрә биләрик?
3 Аллаһын халгы «нур өвладлары кими» јашамағын нә гәдәр ҹидди олдуғуну баша дүшүр вә буна ҝөрә дә инсанлар олан һәр јердә хош хәбәри тәблиғ едирләр (Ефес. 5:8). Мүгәддәс Китабы вә диҝәр нәшрләримизи ишдә, јахуд мәктәбдә фасилә вахты инсанларын ҝөзү гаршысында охумаг Мүгәддәс Китаб барәдә сөһбәтә јол ача биләр. Бир ҝәнҹ баҹымыз бу үсулдан истифадә едәрәк синиф јолдашларындан 12 нәфәрлә Мүгәддәс Китабы өјрәнмәјә башламышдыр.
4. Нәјә ҝөрә нурумузун ишыг сачмасына нүмунәви давранышымыз да дахилдир?
4 Јахшы әмәлләримизлә. Нурумузун ишыг сачмасына јол вермәјимизә һәмчинин ади һәјатда давранышымыз да дахилдир (Ефес. 5:9). Ишдә, мәктәбдә вә башга јерләрдә мәсиһчијә хас олан давраныш тәрзимиз Мүгәддәс Китаб һәгигәтләрини бөлүшмәк үчүн фүрсәт јарадыр (1 Пет. 2:12). Мәсәлән, беш јашлы оғланын нүмунәви давранышы онун мүәллимини валидејнләринә нөвбәти сөзләри демәјә тәшвиг етмишди: «Мән һәлә белә тәрбијәли вә ганаҹаглы ушаг ҝөрмәмишәм!» Бәли, бизим хидмәтимиз вә јахшы давранышымыз инсанлары «һәјат нуруна» ҹәлб едә вә Аллаһы мәдһ етмәјә тәшвиг едә биләр.