Јени һәмд нәғмәләри!
1 Ҝөзәтчи Гүлләси, Мүгәддәс Китаб вә Трактатлар Ҹәмијјәтинин (Пенсилванија) 2014-ҹү илин 4 октјабр тарихиндә кечирилән иллик ҝөрүшүндә елан олунду ки, һал-һазыркы нәғмә китабы јениләнәҹәк. Бу, чох севиндириҹи бир хәбәрдир! Иштиракчыларын һамысына Падшаһлыг нәғмәләринин ибадәтимиздә мүһүм рол ојнадығы бир даһа билдирилди (Мәз. 96:2).
2 Сиздә суал јарана биләр ки, нәғмә китабыны јениләмәјә нә еһтијаҹ вар? Бунун бир чох сәбәбләри вар. Әввәла, биз Мүгәддәс Јазылары ҝет-ҝедә даһа јахшы баша дүшүрүк вә бу, нәғмәләрин сөзләриндә дә өз әксини тапмалыдыр (Сүл. мәс. 4:18). Диҝәр сәбәб одур ки, һазыркы нәғмә китабындакы бир чох сөзләр вә ифадәләр «Јени Дүнја Тәрҹүмәси»нин әввәлки нәшринә әсасланыб. Инди исә бу сөзләр јениләнмиш нәшрин сөзләринә мүвафиг олараг дәјишдирилмәлидир. Нәғмәләрин сөзләрини дәјишдирмәк үчүн ҝенишмигјаслы иш ҝөрмәк лазым ҝәлдијиндән гәрара алынмышдыр ки, нәғмә китабына бир нечә јени нәғмә дә әлавә олунсун.
3 Јени нәғмәләри охумаг үчүн јени нәғмә китабынын чыхмасыны ҝөзләмәли олмајаҹағыг. Сизә хәбәр вермәјә шадыг ки, нөвбәти ајлар әрзиндә бир нечә јени нәғмә жw.орҝ веб-сајтында јерләшдириләҹәк. Һәр јени нәғмә чыханда Хидмәти ҝөрүшүн сонунда охумаг үчүн «јени нәғмә» ады илә ҹәдвәлә салынаҹаг.
4 Јени нәғмәләри неҹә өјрәнмәли? Бәзиләри үчүн јени нәғмәләри өјрәнмәк чәтин ола биләр. Амма биз дә мәзмурчу кими, сусмајыб јығынҹаг ҝөрүшләриндә Јеһоваја һәмд уҹалтмаг истәјирик (Мәз. 30:12). Јени нәғмәләри өјрәнмәк үчүн бунлара риајәт един.
Нәғмәнин веб-сајтда јерләшдирилмиш пиано ифасына дөнә-дөнә гулаг асын. Нә гәдәр гулаг ассаныз, јадда сахламаг бир о гәдәр асан олаҹаг.
Нәғмәнин сөзләрини әзбәрләмәјә чалышын.
Нәғмәнин мусигисини өјрәнәнә гәдәр охујуб мәшг един.
Аиләви ибадәт заманы нәғмәни аиләнизлә бирҝә бир нечә дәфә тәкрар-тәкрар охујун ки, онлар да там өјрәнә билсинләр.
5 Нөвбәти ајларда Хидмәти ҝөрүшүн сонунда ҹәдвәлә ҝөрә јени нәғмә охунмалы оланда јығынҹаг әввәлҹә нәғмәнин пиано ифасына гулаг асаҹаг сонра исә охујаҹаг.
6 Неҹә дә хошдур ки, ҝөрүшләрдә һамымыз бир ағыздан нәғмә охујуб Јеһоваја һәмдләр уҹалдырыг. Буна ҝөрә дә јығынҹаг ҝөрүшләриндә нәғмә охунан заман ҹидди сәбәб олмадан јеримиздән ајрылмамалыјыг.
7 Биз руһани нәғмәләрә һөрмәтлә јанашдығымызы башга ҹүр дә ҝөстәрә биләрик. Конгресләрдә һәр һиссә башламаздан әввәл мусиги сәсләнир. Илдә ики дәфә бизим садиг баҹы-гардашларымыз јерин дөрд бир ҝушәсиндән өз хәрҹләри һесабына Патерсона (Нју–Јорк) ҝәлирләр ки, ибадәт заманы сәсләнәҹәк ҝөзәл мусиги әрсәјә ҝәтирсинләр. Беләликлә, ҝөрүшүн сәдри бизи јерләримиздә әјләшиб оркестр ифасына гулаг асмаға дәвәт едәндә биз бу ҝөстәришә әмәл етмәлијик. Беләҹә, ешидәҹәјимиз фикирләрә үрәјимизи һазырлајаҹағыг (Езра 7:10).
8 Буҝүнкү ҝөрүшүмүзүн сонунда биз «Гој Падшаһлығын тез ҝәлсин!» адлы јени нәғмәни охујаҹағыг. Сонунҹу иллик ҝөрүшдә тәгдим олунан бу нәғмә мәхсуси олараг Падшаһлығын 100 иллији мүнасибәти илә бәстәләнмишдир.
9 Сөзсүз ки, Јеһованын вердији «јахшы шејләр»дән бири дә јени нәғмәләрдир (Мат. 12:35а). Ҝәлин гаршымыза мәгсәд гојуб јени маһнылары өјрәнәк вә онлары үрәкдән охујараг Аллаһымыза һәмдләр вә тәрифләр уҹалдаг! (Мәз. 147:1).