Аллаһ вәдләрини неҹә әјан едир?

Бәшәријјәт јаранандан Аллаһ мәләкләр вә пејғәмбәрләр васитәсилә инсанларла үнсијјәт гуруб. Үстәлик, пејғәмбәрләринә бујуруб ки, Онун өјүд-нәсиһәтләрини вә вәдләрини гәләмә алсынлар. Аллаһын вәдләри сизин ҝәләҹәјинизә дә аиддир. Бәс бу вәдләр һарада јазылыб?

Аллаһын бәшәријјәтә үнванладығы сөзләр Мүгәддәс Китабда јазылыб (2 Тимутијә 3:16). Бәс бу сөзләр пејғәмбәрләрә неҹә әјан олуб? (2 Бутрус 1:21). Аллаһ Өз сөзләрини онларын фикирләринә гојуб, онлар да буну гәләмә алыблар. Санки мүдир катибинә мәктуб јаздырыб. Һәмчинин мәктубу катиб јазса да, мүәллиф мүдирдир. Еләҹә дә, Мүгәддәс Китабы пејғәмбәрләр гәләмә алса да, мүәллиф Аллаһдыр.

АЛЛАҺЫН КӘЛАМЫ ҺАМЫ ҮЧҮН ӘЛЧАТАНДЫР

Мүгәддәс Китабдакы хәбәр о гәдәр ваҹибдир ки, Аллаһ бүтүн инсанларын ону охујуб баша дүшмәсини истәјир. Бу ҝүн һәр халгдан, тајфадан вә дилдән олан инсанлар Илаһидән ҝәлән «әбәди мүждә»ни ешидә биләр (Вәһј 14:6). Аллаһын көмәји илә Мүгәддәс Китаб там шәкилдә вә ја һиссә-һиссә 3000 дилә тәрҹүмә олунуб. Дүнјада бу гәдәр дилә тәрҹүмә олунмуш икинҹи китаб јохдур.