АЛЛАҺЫН КӘЛАМЫНДАКЫ ХӘЗИНӘ | ӘШИЈА 58—62
«Јеһованын илтифат илини бәјан един»
«Јеһованын илтифат или» ифадәси һәрфи мәна дашымыр
Бу, Јеһова Аллаһын һәлим инсанлара Онун азадлыг хәбәринә һај вермәјә имкан вердији дөврдүр
Ерамызын биринҹи әсриндә «Јеһованын илтифат или» 29-ҹу илдә Иса Мәсиһин хидмәтини иҹра етмәси илә башлады вә 70-ҹи илдә Јеһованын «интигам ҝүнү»ндә Јерусәлимин дағылмасы илә баша чатды
Бизим дөврдә исә «Јеһованын илтифат или» 1914-ҹү илдә Иса Мәсиһин ҝөјдә тахтда отурмасы илә башлады вә бөјүк мүсибәтдә сона јетәҹәк
Јеһова Өз халгыны «бөјүк салеһлик ағаҹлары» илә мүкафатландырыр
Дүнјада ән һүндүр ағаҹлара, адәтән, мешәләрдә раст ҝәлмәк олур, чүнки орада ағаҹлар бир-биринин бөјүмәсинә көмәк едирләр
Көкләринин бир-биринә сых долашмасы сајәсиндә торпаға бәркијән ағаҹлар шиддәтли күләкләрә гаршы давамлы олур
Һүндүр ағаҹлар көлҝә салыб фиданлары ҝүнәшин истисиндән горујур, төкүлән јарпаглары исә торпағы ҝүбрәләјир
Бүтүн дүнјадакы мәсиһиләр «бөјүк салеһлик ағаҹлары»ндан — мәсһ олунмушлардан дәстәк вә мүдафиә әлдә едирләр