Заманын сынағы гаршысында

сарсилмајан ағаҹлар

Дик гаја, хүсусән дә онун зирвәси, чәтин ки, раһат јашајиш јери кими ҝөрүнсүн. лакин бә’зи алп ағаҹлари бу ҹүр әлверишсиз шәраитләрә бахмајараг, гајадан бәрк-бәрк јапишараг шахтали гиша вә гизмар јаја мәтанәтлә таб ҝәтирирләр.

АДӘТӘН давамлы олан бу ағаҹлар, дәрәдә битән гоһумларындан фәргли олараг, бир о гәдәр дә голлу-будаглы ҝөрүнмүрләр. Онлар, әксәр һалларда чох һүндүр олмајан, ҝөвдәси дүјүн-дүјүн вә кәлә-көтүр ағаҹлардыр. Онлардан бә’зиләри чох инҹәдир вә гәшәнҝ чәтирә маликдир.

Јер үзүндәки ән әлверишсиз шәраитләрдә јашамаг уғрунда мүбаризә апардыглары үчүн елә дүшүнмәк олар ки, бу ағаҹлар гыса өмүрлүдүрләр. Бу исә белә дејилдир! Мә’лумдур ки, Калифорнијанын Уајт-Маунтинс дағларында 3 000 метр һүндүрлүкдә битән Мәтушеләх адлы тиканлы шам ағаҹынын 4 700 јашы вардыр. Бу фәрд, 1997-ҹи ил үчүн Ҝиннесин рекордлар китабында планетдә ән јашлы ағаҹ адландырылмышдыр. Бу гәдим ағаҹлары мүшаһидә едән Едмунд Шулман изаһ етди: “Ҝөрүнүр... тиканлы шам ағаҹы, ән әлверишсиз шәраитләр сајәсиндә јашаја билир. Уајт Маунтинсдә јашлы шам ағаҹларынын һамысы тәхминән 3 000 метр һүндүрлүкдә олан гајалар арасында, гураглыг вә гумсал јерләрдә битирләр”. Шулман һәмчинин мүәјјән етди ки, шам ағаҹларынын башга нөвләринин ән јашлы фәрдләри дә сәрт шәраитләрдә битир.

Сарсылмазлығын нүмунәси олан бу ағаҹлар јашамаг уғрунда мүбаризә апарсалар да, јашадыглары шәраит онлара ики бөјүк фајда ҝәтирир. Онлар биткиси аз олан гумсал әразиләрдә јашајараг, әксәр һалларда бөјүк ағаҹлары мәһв едән мешә јанғынларындан горунурлар. Бундан әлавә, бу ағаҹлар көкләрилә гајалардан мөһкәм јапышырлар вә онлары јалныз зәлзәлә сарсыда биләр.

Мүгәддәс Китабда Аллаһын садиг хидмәтчиләри ағаҹларла мүгајисә едилирләр (Мәзмур 1:1—3; Јеремја 17:7, 8). Онлар да чәтин шәраитләрлә гаршылашдыгда чох шејләрә дөзмәли олурлар. Тә’гибләр, зәиф сағламлыг вә ја сон дәрәҹәдә јохсуллуг иманымызы ағыр сынаға чәкә биләр, хүсусән дә, әҝәр һәмин сынаг бир нечә ил давам едирсә. Бунунла белә, бу ҹүр дөзүмлү ағаҹлары јарадан Аллаһ өз хидмәтчиләрини әмин едир ки, мүтләг онлары да һимајә едәҹәкдир. Мүгәддәс Китаб, руһани вәзијјәтләрини горујан кәсләрә вә’д едир ки, Аллаһ онлары гүввәтләндирәҹәк вә сарсылмаз едәҹәкдир (1 Петер 5:9, 10).

Мүгәддәс Китабда “дура билмәк” вә ја “сәбирли олмаг” кими тәрҹүмә олунан јунан фе’ли, “сарсылмазлыгла таб ҝәтирмәк”, “давам ҝәтирмәк” вә “инад ҝөстәрмәк” мә’наларыны дашыјыр. Алп ағаҹларынын нүмунәсиндән ҝөрүндүјү кими, јахшы көк системи сарсылмазлығын ачарыдыр. Мүхтәлиф сынаглара давам ҝәтирмәк үчүн, мәсиһчиләр дә Иса Мәсиһдә мөһкәм көк салмалыдырлар. Павел јазырды: “Рәб Мәсиһ Исаны неҹә гәбул етдинизсә, Онда көк салыб, инкишаф едәрәк вә өјрәдилдијиниз кими иманда мөһкәмләнәрәк, шүкранла долуб дашараг, Онда јашамагда давам един” (Колослулара 2:6, 7).

Павел мөһкәм руһани көкә малик олмағын ваҹиблијини анлајырды. О өзү “бәдән нештәри” илә мүбаризә апарыр, һәмчинин хидмәти заманы ағыр тә’гибләрә тәһәммүл едирди (2 Коринфлиләрә 11:23—27; 12:7). Анҹаг о, Аллаһын гүввәсинин она неҹә көмәк етдијини һисс едирди. Павел дејирди: “Мәни мөһкәмләндирән васитәсилә һәр шеји етмәјә гадирәм” (Филипилиләрә 4:13).

Павелин нүмунәсиндән ҝөрүндүјү кими, мәсиһчи сарсылмазлығы шәраитләрин әлверишли олуб олмамасындан асылы дејилдир. Мәсиһдә көк салмышыгса вә Аллаһын бизә вердији гүввәјә е’тибар едириксә, әсрләр әрзиндә пис һавалара мәрдликлә дөзән Алп ағаҹлары кими, биз дә бир чох сынаглара давам ҝәтирә биләрик. Бундан башга, һамымыз ахыра гәдәр сәбир етсәк, Аллаһын диҝәр вә’динин — “Халгымын ҝүнләри ағаҹын ҝүнләри кими олаҹаг” вә’динин јеринә јетмәсини ҝөрә биләрик (Ишаја 65:22; Матта 24:13).