«Мәсиһи һәјаты вә ибадәти. Иш дәфтәри» үчүн мәнбәләр
НОЈАБР
*** jd-E с. 90, 91, абз. 16, 17 ***
Јеһоваја Онун јүксәк нормаларына ујғун хидмәт един
16 Илк инсан олан Адәм сечим гаршысында иди: јахшылыға вә пислијә даир кимин нормаларына риајәт етсин. Тәәссүф ки, о, ағылсыз сечим етди. Бәс биз һансы сечими едәҹәјик? Амус бизи бу мәсәлә барәдә хәбәрдарлыг едәрәк демишди: «Јахшылығы севин, пислијә нифрәт един» (Амус 5:15). Чикаго университетиндә сами дилләри вә әдәбијјаты үзрә профессор Уилјам Рејни Һарпер бу ајә илә бағлы јазмышды: «Амуса ҝөрә хејир вә шәр нормалары бирбаша Јәһванын ирадәси илә бағлыдыр». Бу, 12 пејғәмбәрдән өјрәнә биләҹәјимиз әсас фикирләрдән биридир. Бәс биз Јеһованын јахшыја вә писә даир нормаларыны гәбул етмәјә һазырыг? Бу јүксәк нормалар Мүгәддәс Китабда ачыгланыр вә јеткин, тәҹрүбәли мәсиһиләрдән ибарәт «садиг вә ағыллы нөкәр» тәрәфиндән изаһ олунур (Мәтта 24:45—47).
17 Пислијә нифрәт етмәк бизә Јеһоваја мәгбул олмајан шејләрдән узаг дурмаға көмәк едир. Мисал үчүн, ола биләр ки, кимсә интернетдә порнографијаја бахмағын тәһлүкәләриндән хәбәрдардыр вә ондан узаг дурмаға чалышыр. Бәс о, үрәјиндә порнографик веб-сајтлар һаггында нә фикирләшир? (Ефеслиләрә 3:16). Һәмин кәс Амус 5:15 ајәсиндәки илаһи нәсиһәтә риајәт етмәклә пис олан һәр бир шејә гаршы нифрәт јетишдирә биләр. Беләҹә, руһани мүбаризәдән галиб чыха биләр.
*** jd-E с. 112, абз. 4, 5 ***
Башгалары илә Јеһова Аллаһын истәдији кими давранын
4 Јеһова Аллаһын Исраилин јахынлығында јерләшән дијара, Әдума гаршы дедији һөкм сөзләриндән өзүмүзә дәрс ҝөтүрә биләрик: «Сән гардашынын ҝүнүнә, онун гара ҝүнүнә неҹә севинә билдин? Јәһуда халгынын гәтл ҝүнүнә неҹә шадлана билдин?» (Әбдија 12). Сурлулар исраиллиләрлә тиҹарәт әлагәләри бахымындан «гардаш» олсалар да, әдумиләр исраиллиләрлә һәгиги мәнада «гардаш» идиләр, чүнки онлар Јагубун әкиз гардашы Ејсин нәслиндән идиләр. Һәтта Јеһова да әдумиләри Исраилин «гардашлары» адландырмышды (Ганунун тәкрары 2:1—4). Буна ҝөрә дә јәһудиләр бабиллиләрин әлиндән дад едәндә әдумиләрин шадланмасы, һәгигәтән дә, икраһ доғуруҹу иди (Һизгијал 25:12—14).
5 Тәбии ки, Јеһова әдумиләрин јәһуди гардашларына гаршы бу давранышыны бәјәнмәди. Биз дә өзүмүздән соруша биләрик: «Бәс Јеһова мәним баҹы-гардашларла олан мүнасибәтими бәјәнир?» Диггәт јетирмәлијик ки, диндашымызла арамызда проблем јарананда она неҹә мүнасибәт ҝөстәририк. Мисал үчүн, тәсәввүр един ки, јығынҹагда кимсә хәтринизә дәјиб, јахуд сизин гоһумунузла һәр һансы проблеми вар. Әҝәр диндашындан шикајәтин варса, нә едәҹәксән? Мәсәләнин үстүндән кечиб һәр шеји јолуна гојмаға чалышаҹагсан, јохса үрәјиндә она кин бәсләјәҹәксән? (Колослулара 3:13; Јушә 22:9—30; Мәтта 5:23, 24). Үрәјиндә кин бәсләмәк давранышына да тәсир едә биләр. Белә олан һалда, ола билсин ки, сән онун олдуғу јердән кәнар ҝәзәҹәксән, онун һаггында мәнфи данышаҹагсан, јахуд онунла сојуг давранаҹагсан. Инди исә тәсәввүр ет ки, һәмин диндашын бир мүддәт сонра јенә сәһвә јол верир, бәлкә дә сәһвини дүзәлтмәси үчүн јығынҹаг ағсаггалларынын она мәсләһәт вермәси вә ја көмәклик ҝөстәрмәси лазым ҝәлир (Галатијалылара 6:1). Белә олан һалда сән әдумиләрин әһвал-руһијјәсини әкс етдириб гардашынын чәтин вәзијјәтинә ҝөрә севинәрдин? Бәс Аллаһ сәнин неҹә давранмағыны истәрди?
*** w12-E 1/11 с. 22, абз. 4—7 ***
«Јеһова сәндән башга нә истәјир ки?!»
Әдаләтлә давран. Бир елми әсәрә әсасән, ибрани дилиндә «әдаләт» сөзү «ҹәмијјәтдә дүзҝүн вә әдаләтли мүнасибәтләри өзүндә еһтива едир». Аллаһ биздән тәләб едир ки, биз башгалары илә Онун әдаләтә вә дүзҝүнлүјә даир нормаларына ујғун олараг давранаг. Биз башгалары илә мүнасибәтдә гәрәзсиз, дүрүст вә виҹданлы олмагла әдаләт хүсусијјәтини тәзаһүр етдирә биләрик (Лавилиләр 19:15; Әшија 1:17; Ибраниләрә 13:18). Башгалары илә әдаләтлә даврансаг, онлар да бизә гаршы әдаләтлә давранмаға тәшвиг олуна биләрләр (Мәтта 7:12).
Сәдагәти уҹа тутун. Аллаһ тәкҹә сәдагәтли олмағымыз јох, һәмчинин сәдагәти уҹа тутмағымызы истәјир. Ибраниҹә хесед сөзү өзүнә мәһәббәт, өһдәлик, сәдагәт вә бағлылыг һиссләрини дахил едир. Бир Мүгәддәс Китаб алими белә демишди: «Мәһәббәт, мәрһәмәт вә хејирхаһлыг сөзләри [хесед] сөзүнүн мәнасыны там олараг вермир; бу хүсусијјәтләрин тәкҹә бири јох, һамысы бир јердә бу сөзү әмәлә ҝәтирир». Әҝәр биз сәдагәти уҹа тутуругса, онда биз ҹаныјанан олаҹағыг, јәни башгаларына көмәк етмәк бизә зөвг верәҹәк. Нәтиҹәдә, вермәјин ҝәтирдији севинҹи дадмыш олаҹағыг (Һәвариләрин ишләри 20:35).
Аллаһын өнүндә тәвазөкарлыгла јеријин. Мүгәддәс Китабда «јеримәк» сөзү «мүәјјән давраныш тәрзинә ујғун јашамаг» мәнасыны верир. Биз Мүгәддәс Китабда ҝөстәрилмиш һәјат тәрзинә ујғун јашамагла Аллаһла јеријирик. Бу һәјат тәрзинә ујғун јашамаг үчүн биз ҝәрәк тәвазөкар олаг. Нәјә ҝөрә? Тәвазөкар оланда Онун гаршысында өз мөвгејимизи реал гијмәтләндиририк вә өз мәһдудијјәтләримиздән аҝаһ олуруг. Она ҝөрә дә «тәвазөкарлыгла јеримәк» Аллаһын биздән нә тәләб етдији вә бизим Онун үчүн нәләр едә биләҹәјимиз мәсәләсиндә реал бахыш тәрзинә малик олмаг демәкдир.
Шүкүрләр олсун ки, Јеһова биздән баҹардығымыздан артығыны тәләб етмир. Јеһова Она хидмәт етмәк үчүн әлимиздән ҝәләни етдијимизи ҝөрәндә бундан разы галыр (Колослулара 3:23). О, бизим мәһдудијјәтләримизин олдуғуну баша дүшүр (Зәбур 103:14). Биз дә тәвазөкарлыгла өз мәһдудијјәтләримизи гәбул етмәји өјрәнсәк, Јеһова илә јеримәкдән севинҹ дуја биләрик. Нијә дә Аллаһла јеримәјә неҹә башлаја биләҹәјини өјрәнмәјәсән? Бу сәнә чохлу хејир-дуалар ҝәтирәҹәк (Мәсәлләр 10:22).