«Мәсиһи һәјаты вә ибадәти. Иш дәфтәри» үчүн мәнбәләр
4—10 МАРТ
АЛЛАҺЫН КӘЛАМЫНДАКЫ ХӘЗИНӘ | РОМАЛЫЛАРА 12—14
«Мәсиһи мәһәббәти нә демәкдир?»
it-1-Е с. 55
Мәһәббәт
Мәсиһи јығынҹағынын бүтүн үзвләри арасында гардашлыг мәһәббәти (филаделфиа, һәрфән «гардаша мәһәббәт») олмалыдыр (Рм 12:10; Иб 13:1; һәмчинин бах: 1Бт 3:8). Демәли, аиләдә олдуғу кими, јығынҹагда да һамынын бир-бирилә јахын, мөһкәм вә меһрибан мүнасибәти олмалыдыр. Јығынҹаг үзвләри артыг бир-биринә гардашлыг мәһәббәти ҝөстәрсә дә, бу саһәдә јенә дә инкишаф етмәјә тәшвиг олунурлар (1Ск 4:9, 10).
Јунан сөзү филосторгос «зәриф һиссләр бәсләмәк» мәнасыны верир вә киминләсә мәһрәм мүнасибәти олан инсана аид ишләнир. Бу мүрәккәб сөзүн тәркиб һиссәси олан стерго сөзү чох вахт доғмалыг һиссини, мәсәлән, аилә үзвләринин бир-биринә дујдуғу һисси билдирмәк үчүн ишләдилир. Һәвари Булус мәсиһиләри өзләриндә бу кејфијјәти јетишдирмәјә тәшвиг едирди (Рм 12:10). Булус һәмчинин ахырзаманда јашајаҹаг инсанлардан данышаркән онлары «доғмаларыны севмәјән» инсанлар кими сәҹијјәләндирмиш вә өлүмә лајиг олдугларыны демишди.
Һикмәт хәзинәсиндән инҹиләр
Рм 12:1. Бу ајәнин мәнасы нәдир?
5. Биз Јеһоваја неҹә ибадәт етмәлијик?
5 Һәјатда етдијимиз һәр шеј ибадәтимизә тәсир едир. Булус мәһз бу фикри изаһ етмәк үчүн демишди: «Бәдәнинизи дири, мүгәддәс вә мәгбул гурбан кими Аллаһа тәгдим един» (Ромалылара 12:1). Иса да демишди: «Аллаһын Јеһованы бүтүн гәлбинлә, бүтүн варлығынла, бүтүн ағлынла вә вар ҝүҹүнлә сев» (Марк 12:30). Биз Јеһоваја саһиб олдуғумуз шејләрин ән јахшысыны вермәк истәјирик. Гәдимдә исраиллиләр Јеһоваја сағлам һејван гурбан ҝәтирмәли идиләр. Гурбанда гүсур оланда Јеһова ону гәбул етмирди (Лавилиләр 22:18—20). Бу ҝүн дә елә ола биләр ки, Јеһова ибадәтимизи гәбул етмәсин. Буна нә сәбәб ола биләр?
6, 7. Әјләнҹә ибадәтимизә неҹә тәсир едир?
6 Јеһова дејир: «Мүгәддәс олун, чүнки Мән мүгәддәсәм» (1 Бутрус 1:14—16; 2 Бутрус 3:11). Ибадәтимиз јалныз мүгәддәс, јәни тәмиз олдуғу һалда, Јеһова ону гәбул едәҹәк (Ганунун тәкрары 15:21). Биз Јеһованын нифрәт етдији, мәсәлән, әхлагсыз, зоракы вә ја ҹиндарлыгла бағлы әмәлләр едириксә, ибадәтимиз тәмиз ола билмәз (Ромалылара 6:12—14; 8:13). Һәмчинин бу ҹүр шејләрлә әјләнсәк, бу, Јеһоваја ағыр ҝедәҹәк. Белә шејләр ибадәтимизи натәмиз едәҹәк. Јеһова бу ҹүр ибадәти гәбул етмәјәҹәк. Нәтиҹәдә, Онунла мүнасибәтләримиз позулаҹаг.
СӘРИШТӘЛИ МҮЖДӘЧИ ОЛУН
w11-Е 1/9 с. 21, 22
Верҝиләри өдәмәк лазымдырмы?
Тәк-түк адам олар ки, верҝи өдәмәкдән хошу ҝәлсин. Чохлары фикирләшир ки, өдәдикләри пуллар сәриштәсизлик уҹбатындан ит-бат олур, јахуд да бу пуллар кимләринсә ҹибинә ҝедир. Бир башгалары исә мәнәви дәјәрләрә ҝөрә верҝи вермәкдән имтина едирләр. Јахын Шәргдә јерләшән бир шәһәрин сакинләри верҝи вермәмәк гәрарларына белә ајдынлыг ҝәтирмишдиләр: «Биз разы олмарыг ки, вердијимиз пулла ҝүллә алсынлар, сонра да өвладларымызы тәләф етсинләр».
Бу фикирләр нә јени дејил, нә дә тәк-түк адамларда јаранан фикирләр дејил. Һиндистанын рәһбәри олмуш Моһандас Ганди өз мөвгејини белә ачыгламышды: «Һәрби гүввәләрин дајаг олдуғу һөкумәти дәстәкләјән һәр кәс билаваситә вә ја долајысыјла ҝүнаһ едир. Јашлы вә ја ҹаван олмасындан асылы олмајараг, һәр бир шәхс белә бир дөвләтә верҝи вердији үчүн ҝүнаһа батыр».
XIX әср философу Һенри Дејвид Торо башга шејләрлә јанашы мүһарибә үчүн дә хәрҹләнән верҝиләри өдәмәкдән имтина етмәсинә бир нечә дәлил ҝәтирмишди. О сорушмушду: «Вәтәндаш ганун наминә бир анлыг, јахуд аз да олса, өз виҹданына зидд давранмаға мәҹбурдур? Белә исә онда нәјә ҝөрә һәр кәсин виҹданы вар?»
Бу мәсәлә мәсиһиләр үчүн мараглыдыр, чүнки Мүгәддәс Китабда дејилир ки, онларын виҹданы һәр мәсәләдә тәмиз олмалыдыр (2 Тимутијә 1:3). Диҝәр тәрәфдән, Мүгәддәс Китабда дејилир ки, һөкумәтин верҝи јығмаға сәлаһијјәти чатыр. Орада јазылыб: «Гој һәр кәс һөкумәтә табе олсун, чүнки Аллаһын изни олмадан һеч бир һөкумәт мөвҹуд ола билмәз. Бу һөкумәтләр Аллаһын онлара ајырдығы јери тутурлар... Беләликлә, сиз јалныз бу гәзәбин горхусундан јох, һәмчинин виҹданыныза ҝөрә табе олмалысыныз. Верҝиләри дә бу сәбәбдән өдәјирсиниз. Ахы онлар Аллаһын хидмәтчиләридир, инсанлар үчүн чалышырлар вә даима бу мәгсәдә хидмәт едирләр. Беләҹә, һәр кәсә һаггыны верин: верҝидирсә — верҝини, баҹдырса — баҹы» (Ромалылара 13:1, 5—7).
Бу сәбәбдән, биринҹи әсрдә мәсиһиләрин верҝиләри ҹанла-башла вердији һамыја мәлум иди, бахмајараг ки, һәмин пулун хејли гисми орду үчүн хәрҹләнирди. Мүасир дөврдә Јеһованын Шаһидләри верҝи мәсәләсиндә ејни ҹүр давраныр. Бәс илк бахышдан зиддијјәт кими ҝөрүнән бу мәгамы неҹә изаһ етмәк олар? Верҝијығанлар ҝәләндә мәсиһи виҹданыны боғмалыдыр?
Верҝи вә виҹдан
Мараглыдыр ки, биринҹи әсрдә мәсиһиләрин вердикләри верҝиләрин бир гисми ордуја хәрҹләнирди. Мәһз бу виҹдан мәсәләси сонралар Гандини вә Торону верҝи өдәмәкдән имтина етмәјә сөвг етмишди.
Диггәт јетирин ки, мәсиһиләр Ромалылара 13-ҹү фәсилдә јазылан әмрә садәҹә ҹәзадан гачмаг истәдикләринә ҝөрә јох, һәм дә виҹданларына ҝөрә табе олмалы идиләр (Ромалылара 13:5). Бәли, һәтта верҝиләр мәсиһинин рәдд етдији ишләри дәстәкләсә дә, мәсиһинин виҹданы ондан верҝиләри өдәмәји тәләб едир. Илк бахышдан зиддијјәт кими ҝөрүнән бу мәгамы баша дүшмәк үчүн биз бир әсас факты гәбул етмәлијик. Бу, виҹданымызла, јәни һәрәкәтимизин дүзҝүн вә ја јанлыш олдуғуну сөјләјән дахилимиздәки сәслә бағлыдыр.
Торонун гејд етдији кими, һәр кәсдә дахили сәс вар, амма бу о демәк дејил ки, она етибар етмәк лазымдыр. Аллаһы разы салмаг үчүн бизим виҹданымыз Онун әхлаг гајдаларына ујғун ҝәлмәлидир. Биз чох вахт өз дүшүнҹәмизи вә бахышларымызы Аллаһын фикирләринә ујғунлашдырмалы олуруг, чүнки Онун фикирләри бизимкиндән үстүндүр (Зәбур 19:7). Буна ҝөрә дә биз Аллаһын инсан һөкумәтләринә олан бахышыны баша дүшмәлијик.
Биз ҝөрүрүк ки, һәвари Булус инсан һөкумәтләрини Аллаһын хидмәтчиләри адландырмышды (Ромалылара 13:6). Бу о демәкдир ки, онлар ҹәмијјәтдә асајиши горујур вә диҝәр ваҹиб ишләри һәјата кечирирләр. Һәтта ән пис һөкумәт белә чох вахт вәтәндашларыны тәһсил оҹаглары илә, почт, јанғынсөндүрмә хидмәтләри илә, һүгуг-мүһафизә органларынын фәалијјәти илә тәмин едир. Аллаһ бу һөкумәтләрин гүсурларындан там аҝаһдыр, буна бахмајараг, онларын мүвәггәти мөвҹуд олмасына јол верир. Аллаһ бујурур ки, әҝәр О бу һөкумәтләрин бәшәријјәти идарә етмәсинә изин верибсә, биз дә буна һөрмәтдән ирәли ҝәләрәк верҝиләри өдәјәк.
Лакин Аллаһ инсан һөкумәтләринин идарә етмәсинә мүвәггәти олараг јол верир. Аллаһ онлары сәмави Падшаһлыгла әвәз едәҹәк вә инсан һакимијјәтинин әсрләр боју вурдуғу бүтүн зәрәрләри арадан галдыраҹаг (Дәнјал 2:44; Мәтта 6:10). Анҹаг һәләлик Аллаһ мәсиһиләрә иҹазә вермир ки, верҝи вермәкдән имтина етмәклә, јахуд башга үсулларла иғтишашларда иштирак етсинләр.
Бәс әҝәр Ганди кими, сиз дә мүһарибәни дәстәкләмәјә хәрҹләнән верҝиләри өдәмәјин ҝүнаһ олдуғуну дүшүнүрсүнүзсә, онда неҹә? Һүндүр јердә дуранда мәнзәрә даһа ајдын ҝөрүндүјү кими, биз дә Аллаһын нөгтеји-нәзәринин бизимкиндән нә гәдәр үстүн олдуғу барәдә дүшүнсәк, дүшүнҹәмизи Аллаһын дүшүнҹәсинә ујғунлашдыра биләрик. Аллаһ Әшија пејғәмбәр васитәсилә демишди: «Ҝөјләр јердән нә гәдәр уҹадырса, Мәним јолларым сизин јолларыныздан, Мәним фикирләрим, сизин фикирләриниздән о гәдәр уҹадыр» (Әшија 55:8, 9).
11—17 МАРТ
Һикмәт хәзинәсиндән инҹиләр
w89-Е 1/12 с. 24, абз. 3
«Мәһәббәтинизин сәмимилијини сынамаг истәјирәм»
Сөзсүз ки, башга халглардан олан мәсиһиләр вары-јоху таланан Јерусәлимдәки гардашларына көмәк етмәли идиләр. Ахы онларын бу мәсиһиләрә хүсуси борҹу вар иди. Мәҝәр мүждә башга халглара Јерусәлимдән јајылмамышды? Һәвари Булус јазырды: «Башга халглар онларын руһани немәтләриндән бәһрәләнибләрсә, инди зәрури мадди немәтләрлә онлара хидмәт етмәјә борҹлудурлар» (Ромалылара 15:27).
it-1-Е с. 858, абз. 5
Әввәлҹәдән билмә, әввәлҹәдән мүәјјәнләшдирмә
Мәсиһ вәд олунмуш Өвлад олмалы иди. Онун васитәсилә јер үзүнүн бүтүн халгларындан олан салеһ инсанлар немәтләр алаҹагды (Гт 3:8, 14). Илк дәфә бу өвлад һаггында Әдән бағында үсјан баш верәндән сонра, Һабил исә доғулмаздан әввәл хәбәр верилмишди (Јр 3:15). Бундан тәхминән дөрд мин ил сонра һәмин «өвлад»ын ким олдуғу ајдын билинди вә бунунла да мүгәддәс сирр ашкара чыхды. Беләликлә, бу сирр, доғрудан да, узун мүддәт ҝизли галды (Рм 16:25—27; Еф 1:8—10; 3:4—11).
18—24 МАРТ
Һикмәт хәзинәсиндән инҹиләр
it-2-Е с. 1193, абз. 1
Һикмәт
Дүнја өз һикмәтинә ҝүвәнәрәк Аллаһын Мәсиһ васитәсилә ҝөрдүјү тәдбири ҹәфәнҝијат саныб рәдд етди. Дүнјанын рәһбәрләри идарәчилик мәсәләсиндә нә гәдәр баҹарыглы вә ағыллы олсалар да, «шанлы Ағаны» едам етдиләр (1Кр 1:18; 2:7, 8). Амма Аллаһ Өз гаршысыалынмаз нијјәтини һәјата кечирмәк үчүн «Аллаһдан ҝәлән» вә «ағылсыз» ҝөрүнән бир шејдән, о ҹүмләдән ағылсыз, зәиф, адсыз-сансыз сајылан инсанлардан истифадә едәрәк дүнјанын һикмәтинин ахмаглыг олдуғуну ҝөстәрди (1Кр 1:19—28). Булус Коринфдәки мәсиһиләрә хатырлатды ки, бу дөврүн вә онун рәһбәрләринин һикмәтинин сону јахындыр. Буна ҝөрә дә һәваринин данышдығы руһани сөзләрдә бу ҹүр һикмәтә јер јох иди (1Кр 2:6, 13). О, Колосдакы мәсиһиләри хәбәрдар едирди ки, «инсан еһкамларына әсасланан фәлсәфә [философиас, һәрфән, һикмәтә севҝи] илә, пуч вә јанлыш фикирләр васитәсилә» тора дүшмәсинләр (Кл 2:8; 20—23 ајәләрлә мүгајисә ет).
25—31 МАРТ
АЛЛАҺЫН КӘЛАМЫНДАКЫ ХӘЗИНӘ | 1 КОРИНФЛИЛӘРӘ 4—6
it-2-Е с. 230
Маја
Һәвари Булус Коринфдәки мәсиһи јығынҹағына әхлагсыз адамы јығынҹагдан кәнар етмәји әмр едәндә ејни рәмздән истифадә етмишди: «Мәҝәр билмирсиниз ки, азаҹыг маја бүтүн хәмири аҹыдыр? Јени хәмир олмаг үчүн көһнә мајадан тәмизләнин. Ахы Пасха гузумуз Мәсиһ артыг гурбан верилдији үчүн сиз мајасызсыныз». Сонра о, «маја» дејәндә нәји нәзәрдә тутдуғуну ајдын шәкилдә ҝөстәрмишди: «Буна ҝөрә дә ҝәлин көһнә маја, јахуд пислик вә јаманлыг мајасы илә јох, мајасыз сәмимијјәт вә һәгигәт чөрәкләри илә бајрам едәк» (1Кр 5:6—8). Булус бурада Пасхадан дәрһал сонра ҝәлән Мајасыз чөрәк бајрамынын дашыдығы мәҹази мәнаја истинад етмишди. Азаҹыг маја тез бир заманда бүтүн хәмири аҹытдығы кими, онлар да бу әхлагсыз адамын позуҹу тәсирини арадан галдырмасајдылар, бүтүн јығынҹаг бир бәдән кими, Јеһованын ҝөзүндә натәмиз оларды. Неҹә ки, исраиллиләр Мајасыз чөрәк бајрамы вахты евләриндә маја сахлаја билмәздиләр, онлар да дәрһал араларындан мајаны чыхармалы идиләр.
it-2-Е с. 869, 870
Шејтан
«Һәмин адамы Шејтана тәслим един ки, ҹисмани тәсир мәһв едилсин» сөзләринин мәнасы нәдир?
Коринфдәки јығынҹаға атасынын арвады илә јашајан адама гаршы өлчү ҝөтүрмәји бујураркән һәвари Булус јазмышды: «Һәмин адамы Шејтана тәслим един ки, ҹисмани тәсир мәһв едилсин» (1Кр 5:5). Бу о адамы јығынҹагдан говмаг, онунла бүтүн мүнасибәтләри кәсмәк әмри иди (1Кр 5:13). Ону Шејтана тәслим етмәк јығынҹагдан кәнар етмәк, аллаһы вә һакими Шејтан олан дүнјаја говмаг демәк иди. Азаҹыг маја бүтүн хәмири аҹытдығы кими, бу адам да јығынҹаға ҹисмани тәсир ҝөстәрирди, бу әхлагсыз адамы говмагла руһани дүшүнҹәли јығынҹаг өз ичиндәки ҹисмани тәсири мәһв едәҹәкди (1Кр 5:6, 7). Буна бәнзәр тәрздә, Булус Һименеј вә Александры да Шејтана тәслим етмишди, чүнки онлар иманы вә тәмиз виҹданы рәдд етмиш, иманлары ҝәми кими гәзаја уғрамышды (1Тм 1:20).
it-2-Е с. 211
Ганун
Мәләкләр үчүн. Инсанлардан үстүн олан мәләкләр Аллаһын ганун вә бујругларына табедирләр (Иб 1:7, 14; Зб 104:4). Јеһова дүшмәни олан Шејтанын да фәалијјәтини мәһдудлашдырыр. Шејтан да Јеһованын әмриндән чыха билмәз (Әј 1:12; 2:6). Баш мәләк Микајыл Шејтанла мүбаһисә едәркән: «Гој Јеһова сәни мәһкум етсин» демәклә Јеһованын Али Һаким мөвгејини гәбул етмиш вә Онун бу мөвгејинә һөрмәт етмишди. (Јд 9; Зк 3:2 ајәси илә мүгајисә ет.) Јеһова Аллаһ бүтүн мәләкләри јүксәк мөвгејә уҹалмыш Иса Мәсиһә табе етдириб (Иб 1:6; 1Бт 3:22; Мт 13:41; 25:31; Фп 2:9—11). Беләликлә, Исанын әмрилә бир мәләк Јәһјанын јанына ҝәлмишди (Вһ 1:1). Анҹаг 1 Коринфлиләрә 6:3 ајәсиндә һәвари Булус Мәсиһин руһани гардашларынын мәләкләри мүһакимә едәҹәјини дејир. Ҝөрүнүр, онлар шәр мәләкләрә чыхарылан һөкмүн иҹрасында мүәјјән дәрәҹәдә иштирак едәҹәкләр.
lvs с. 241, «Јығынҹагдан кәнаредилмә» адлы әлавә
1Кр 5:9—11. Јығынҹаг төвбә етмәјән ҝүнаһкарла мүнасибәт сахламамалыдыр
ЈЫҒЫНҸАГДАН КӘНАРЕДИЛМӘ
Ҹидди ҝүнаһ едән мәсиһи төвбә етмәјәндә вә Јеһованын нормаларына ујғун јашамаг истәмәјәндә о, артыг јығынҹағын үзвү олараг гала билмәз. Ону јығынҹагдан кәнар етмәк лазымдыр. Биз јығынҹагдан кәнар едилән адамла һеч бир мүнасибәт гурмуруг вә онунла даһа данышмырыг (1 Коринфлиләрә 5:11; 2 Јәһја 9—11). Јығынҹагдан кәнаредилмә тәдбири Јеһованын адыны вә јығынҹағы горујур (1 Коринфлиләрә 5:6). Бу ҹәза һәмчинин инсана көмәк едир ки, төвбә едиб јенидән Јеһоваја ҝери дөнә билсин (Лука 15:17).
4 БИЗ ИЛК НӨВБӘДӘ ЈЕҺОВАЈА САДИГ ОЛМАЛЫЈЫГ
«Дүздүр, ҹәза о анда инсана севинҹ јох, ағры ҝәтирир. Сонрадан исә... салеһлијин сүлһ бәһрәсини јетишдирир» (Ибраниләрә 12:11).
Јахын достун Јеһовадан үз дөндәрәрсә, нә етмәлисән?
1 Коринфлиләрә 5:11—13; 2 Јәһја 9—11
Достун пис әмәлләрдән әл чәкмирсә вә көмәји рәдд едирсә, бунунла даһа јығынҹағын үзвү олмаг истәмәдијини ҝөстәрир.
Ҝүнаһкары јығынҹагдан кәнар етмәклә Јеһоваја, Онун адына вә ганунларына мәһәббәт ҝөстәрилир.