«Әбәди хошбәхт һәјат!» китабы илә шаҝирдин Јеһоваја вә Исаја иманыны мөһкәмләндирин

Аллаһы разы салмаг үчүн шаҝирдин мөһкәм иманы олмалыдыр (Иб 11:6). «Әбәди хошбәхт һәјат!» китабы васитәсилә онлара бу саһәдә көмәк едә биләрик. Бу дәрс вәсаитиндә оху ајәләри, ајдын изаһатлар, дүшүндүрүҹү суаллар, тәсирли видеолар, ҝөзәл шәкилләр јер алыр. Шаҝирдә мәсиһи кејфијјәтләринә јијәләнмәјә, Аллаһла јахын мүнасибәт гурмаға көмәк едәндә санки одадавамлы материалларла бина инша едирик (1Кр 3:12—15).

Бәзи инсанлара ҝөрмәдикләри Аллаһла дост олмаг ағласығмаз ҝәлир. Буна ҝөрә дә онлара көмәк етмәлијик ки, Јеһованы танысынлар вә Она етибар етсинләр.

«“ӘБӘДИ ХОШБӘХТ ҺӘЈАТ!” КИТАБЫ ИЛӘ ШАҜИРДИН ЈЕҺОВАЈА ИМАНЫНЫ МӨҺКӘМЛӘНДИРИН» АДЛЫ ВИДЕОЈА БАХАНДАН СОНРА СУАЛЛАРА ҸАВАБ ВЕРИН:

• Баҹынын Мүгәддәс Китаб дәрсинә јахшы һазырлашдығы нәдән ҝөрүнүр?

• Баҹы Әшија 41:10, 13 ајәләри илә бағлы һансы әлавә суаллары верди?

• Видео вә ајәләр шаҝирдә неҹә тәсир етди?

Чохлары фидјәнин маһијјәтини анламыр, јахуд да фидјәјә Аллаһын шәхсән онлара вердији әнам кими бахмыр (Гт 2:20). Буна ҝөрә дә онлара көмәк етмәлијик ки, Иса Мәсиһин фидјә гурбанлығына иман етсинләр.

«“ӘБӘДИ ХОШБӘХТ ҺӘЈАТ!” КИТАБЫ ИЛӘ ШАҜИРДИН ИСАЈА ИМАНЫНЫ МӨҺКӘМЛӘНДИРИН» АДЛЫ ВИДЕОЈА БАХАНДАН СОНРА СУАЛЛАРА ҸАВАБ ВЕРИН:

• Гардашын Мүгәддәс Китаб дәрсинә јахшы һазырлашдығы нәдән ҝөрүнүр?

• Гардаш шаҝирдә көмәк етмәк үчүн «Әлавә мәлумат» һиссәсиндәки материалдан неҹә истифадә етди?

• Дуа етмәк шаҝирд үчүн нәјә ҝөрә ваҹибдир?