ҮЗ ГАБЫҒЫНДАКЫ МӨВЗУ
Вәрдишләринизин ағасы олун
АУСТИН ширин јухуда олдуғу вахт бирдән зәнҝли сааты чалыр. О, дәрһал јатағындан галхыр, ахшамдан һазыр гојдуғу идман палтарыны ҝејинир вә гачмаға ҝедир. Аустин артыг бир илдир ки, һәфтәдә үч дәфә идман едир.
Лаури әри илә далашыб. О, әсәбиндән дәрһал мәтбәхә кечир вә орада олан шокаладларын һамысыны јејир. Ганыгара оланда о, һәмишә белә едир.
Бу ики инсан арасында һансы охшар ҹәһәт вар? Истәр фәргинә варсынлар, истәрсә дә јох, һәр икиси буну гејри-иради олараг едир. Бу, онларда вәрдишдир.
Бәс сиз? Истәјәрдиниз јахшы вәрдишләриниз олсун? Ола билсин, сиз идманла мәшғул олмаг, кифајәт гәдәр јатмаг вә ја јахынларыныза даһа чох вахт ајырмаг истәјирсиниз.
Бәлкә дә, сиз сигарет чәкмәк, зәрәрли јемәкләр јемәк вә ја интернетә чохлу вахт сәрф етмәк кими пис вәрдишләрдән азад олмаг арзусундасыныз.
Сојуг һавада исти јорғанын алтындан чыхмаг әсл ишҝәнҹә олдуғу кими, пис вәрдишләрдән дә јаха гуртармаг һәләм-һәләм асан иш дејил!
Бәс неҹә едә биләрик ки, вәрдишләримизин ағасы олаг вә онларын бизә хејри дәјсин? Нөвбәти үч мәсләһәтә диггәт јетирин. Бу мәсләһәтләр Мүгәддәс Китаба әсасланыб.