Ҝөзәтчи гүлләсинин ОНЛАЈН КИТАБХАНАСЫ
Ҝөзәтчи гүлләсинин
ОНЛАЈН КИТАБХАНАСЫ
Aзәрбајҹан (кирил әлифбасы)
Ә
  • Ғ
  • ғ
  • Ә
  • ә
  • Ј
  • ј
  • Ҝ
  • ҝ
  • Ө
  • ө
  • Ү
  • ү
  • Һ
  • һ
  • Ҹ
  • ҹ
  • МҮГӘДДӘС КИТАБ
  • НӘШРЛӘР
  • ИБАДӘТ ҜӨРҮШЛӘРИ
  • g20 № 3 с. 6—7
  • Анлајыш ҝөстәрин

Бу сечим үчүн видео мөвҹуд дејил.

Тәәссүф едирик, видеону јүкләмәк мүмкүн олмады.

  • Анлајыш ҝөстәрин
  • Ојанын! 2020
  • Јарымбашлыг
  • Охшар материал
  • Проблем
  • Мүгәддәс Китабдан мәсләһәт
  • Анлајыш ҝөстәрмәјин фајдасы
  • Нә едә биләрсиниз?
  • Шәфгәтли олун
    Мәсиһи һәјаты вә ибадәти. Иш дәфтәри 2021
  • Аллаһ шәфгәт саһибидир
    Ҝөзәтчи гүлләсинин (Күтләви) 2018
  • Аилә вә достлуг
    Ојанын!—2019
  • Хидмәтдә пүхтәләшәк. Падшаһлыг һагда әминликлә данышмагла
    Мүгәддәс ибадәтимиз 2014
Әлавә
Ојанын! 2020
g20 № 3 с. 6—7
Авропалы вә сигһ киши тәјјарәдә јанашы отуруб. Онлар бир-бирилә хош үнсијјәт едирләр.

Анлајыш ҝөстәрин

Проблем

Диггәтимизи башгаларынын биздән фәргли олдуғуна ҹәмләјәндә бу фәргләри нөгсан вә ја гүсур һесаб едәҹәјик. Өзүмүзү онлардан үстүн сајаҹағыг. Бу ҹүр мүнасибәт оланда онлара анлајышла јанашмаг чәтин олур. Бу исә дәриндә олан бир проблемдән, гәрәздән хәбәр верир.

Мүгәддәс Китабдан мәсләһәт

«Севинәнләрлә севинин, ағлајанларла ағлајын» (РОМАЛЫЛАРА 12:15).

Мәнасы: Бу мәсләһәти ики сөзлә ифадә етмәк олар: анлајыш ҝөстәрин. Јәни өзүнүзү башгасынын јеринә гојун, онун дәрдинә шәрик олун.

Анлајыш ҝөстәрмәјин фајдасы

Биз башгасына анлајышла јанашанда һәмин адамла нә гәдәр охшар олдуғумузу баша дүшүрүк. Ҝөрүрүк ки, о да бизим кими ејни һиссләри кечирир. Анлајыш көмәк едир ки, мәншәјиндән асылы олмајараг, бүтүн инсанларын бәшәр аиләсинин үзвү олдуғуну дәрк едәк. О инсанларла арамызда олан охшар ҹәһәтләрә диггәтимизи ҹәмләјәндә онлара мүнасибәтимиз дә јахшылашыр.

Анлајыш бизә һәмчинин башгаларына һөрмәт етмәјә көмәк едир. Сенегалда јашајан Анн-Мари ашағы кастадан һесаб олунан адамлара бир вахтлар јухарыдан ашағы бахырды. Анҹаг анлајыш она бу мүнасибәтини дәјишмәјә көмәк етди. О дејир: «Ашағы кастадан олан адамларын чәтинликләрин и ҝөрәндә фикирләшдим ки, ҝөрәсән мән онларын јериндә олсајдым, өзүмү неҹә һисс едәрдим. Онда баша дүшдүм ки, бу адамлардан һеч дә үстүн дејиләм. Ахы нә етмишәм ки, онлардан үстүн олум?!» Бәли, әҝәр биз башгасынын чәтинликләрини баша дүшмәјә чалышсаг, онлара тәнгиди јанашмајаҹағыг.

Нә едә биләрсиниз?

Мәнфи мүнасибәт бәсләдијиниз адамларла араныздакы фәргли ҹәһәтләри јох, охшар ҹәһәтләри ҝөрмәјә чалышын. Мәсәлән, онларын нөвбәти һалларда һансы һиссләри кечирдији барәдә дүшүнүн:

Анлајыш көмәк едир ки, бүтүн инсанларын бәшәр аиләсинин үзвү олдуғуну дәрк едәк

  • аиләликҹә јемәк јејәндә

  • ағыр иш ҝүнүнүн сонунда

  • достлары илә вахт кечирәндә

  • севдикләри мусигијә гулаг асанда

Сонра өзүнүзү онларын јеринә гојун вә дүшүнүн:

  • Кимсә мәним ләјагәтими алчалтсајды, өзүмү неҹә һисс едәрдим?

  • Кимсә мәни танымадан һаггымда јанлыш дүшүнсәјди, өзүмү неҹә һисс едәрдим?

  • Онларын мәнсуб олдуғу тәбәгәдән олсајдым, өзүмә гаршы һансы рәфтары ҝөзләјәрдим?

Һәмин авропалы вә сигһ киши бир-биринә араларындакы охшар ҹәһәтләри, аиләләри илә бирҝә олдуглары, хошладыглары идманла мәшғул олдуглары, ишдә олдуглары анлары әкс етдирән шәкилләри ҝөстәрирләр.

Реал һәјатдан нүмунә: Роберт (Сингапур)

«Әввәлләр фикирләширдим ки, кар адамлар гәрибәдирләр. Онлары әгли ҹәһәтдән гүсурлу вә чох дәјмәдүшәр һесаб едирдим. Она ҝөрә дә онлардан узаг ҝәзирдим. Амма буну гәрәз һесаб етмирдим, чүнки фикирләширдим ки, бунун һеч кимә зијаны јохдур.

Кар адамлара анлајышла јанашанда гәрәз һиссини дәф едә билдим. Мәсәлән, мәндә кар адамларын әгли ҹәһәтдән гүсурлу олмасы тәәссүраты она ҝөрә јаранмышды ки, онларла данышанда адама донуг бахышларла бахырлар. Өз-өзүмә дүшүндүм: “Мәнимлә данышан адамын нә дедијини ешитмәсәјдим, өзүмү неҹә һисс едәрдим?” Сөзсүз ки, мән дә бу ҹүр бахардым. Һәтта ешитмә апаратым олсајды да, ешитмәјә чәтинлик чәкдијим һалда, үзүмдә елә ифадә јаранарды ки, санки баша дүшмәјә чәтинлик чәкирәм.

Өзүмү кар инсанларын јеринә гојандан сонра үрәјимдәки гәрәз јоха чыхды».

    Азәрбајҹан (кирил) нәшрләри (2000—2025)
    Чыхыш
    Дахил ол
    • Aзәрбајҹан (кирил әлифбасы)
    • Пајлаш
    • Параметрләр
    • Copyright © 2025 Watch Tower Bible and Tract Society of Pennsylvania
    • Истифадә шәртләри
    • Мәхфилик гајдалары
    • Настройки конфиденциальности
    • JW.ORG
    • Дахил ол
    Пајлаш