Шәфгәтли олун

Шәфгәтли инсан башгаларынын фикирләрини, һиссләрини, дәјәрләрини вә еһтијаҹларыны баша дүшүр. Адәтән, шәфгәт ҝөстәрәндә гаршы тәрәф буну дәрһал һисс едир. Әҝәр биз, һәгигәтән дә, инсанлара көмәк етмәк истәјириксә, онлара гаршы шәфгәтли олаҹағыг. Тәблиғ едәркән шәфгәтли даврананда Јеһованын мәһәббәт вә гајғысыны тәзаһүр етдирмиш олуруг. Бу исә инсанлары Она ҹәлб едир (Фп 2:4).

Биз шәфгәт ҝөстәрмәјә садәҹә тәлим үсулу кими бахмырыг. Гаршымыздакы инсаны диггәтлә динләмәклә, һәмчинин данышаркән әһвали-руһијјәмиз, жестләримиз вә үз ифадәмизлә шәфгәт ҝөстәририк. Биз инсана сәмими мараг ҝөстәрәндә дә шәфгәтли давранмыш олуруг. Инсанын марағыны, әгидәсини вә шәраитини нәзәрә алырыг. Инсана фајдалы мәлумат верир, көмәклик едирик, амма дәјишмәси үчүн она тәзјиг ҝөстәрмирик. Тәблиғ етдијимиз инсанлар көмәјимизи гәбул едәндә хидмәтдә севинҹимиз даһа да артыр.

«ХИДМӘТДӘ ПҮХТӘЛӘШӘРӘК ШАҜИРД ҺАЗЫРЛАМАҒЫН СЕВИНҸИНИ ДАДЫН. ШӘФГӘТЛИ ОЛУН» АДЛЫ ВИДЕОЈА БАХАНДАН СОНРА СУАЛЛАРА ҸАВАБ ВЕРИН:

• 

  Ҹејд ҝеҹикәндә Нита она неҹә шәфгәтлә јанашды?

• 

  Ҹејд дәрс кечә билмәјәҹәјини, стресдә олдуғуну дејәндә Нита она неҹә шәфгәт ҝөстәрди?

• 

  Ҹејд сәлигә-саһманлы олмадығыны дејәндә Нита она неҹә шәфгәт ҝөстәрди?