Аллаһ пис инсанлары јенә мәһв едәҹәкми?

22 Бу ҝүн дә, инсанлар чох писдирләр. Бурада һансы пис ишләр едилир?

23 Бир чохлары башга инсанлары өлдүрүрләр. Аллаһ дејир ки, сән буну етмәли дејилсән (Чыхыш 20:13; 1 Јәһја 3:11, 12).

24 Бә’зиләри оғурлуг едирләр. Аллаһ дејир ки, сән оғурламамалысан (Чыхыш 20:15; Ефеслиләрә 4:28).

25 Бә’зиләри бир нечә гадынла евләнирләр. Башгалары ики вә даһа артыг гадынла ајры–ајры евләрдә јашајырлар. Бә’зи әр-арвад бәрабәр јашајыр, амма никаһда олмајырлар. Белә һәрәкәтләрин һамысы Мүгәддәс Китабын сөзләринә зиддирләр (Матта 19:4—6; 1 Коринфлиләрә 7:1—4; 1 Тимотејә 3:1, 2).

26 Сәнин јадындадырмы ки, Аллаһ Адәмә јалныз бир арвад верди? (Тәквин 2:22, 24).

27 Инсанларын чоху бүтләрә баш әјирләр. Аллаһ бујурур ки, сән ибадәтдә бүтләр вә шәкилләрдән истифадә етмәли дејилсән (Чыхыш 20:4, 5; Јешаја 44:9—17; 1 Јәһја 5:21).

28 Дүзҝүн јолу сечмәјән пис инсанлары Јегова мәһв едәҹәк (Мәзмурлар 37:9, 10; Лука 13:5; 1 Коринфлиләрә 6:9, 10).