Сән нә етмәлисән?

50 Һәмин ҝөзәл ҹәннәтдә әбәди јашамаг истәјирсәнми?

Онда Аллаһын Кәламы һаггында даһа чох өјрән. Мүгәддәс Китабы охумағы баҹармаға чалыш (Јәһја 17:3; Вәһј 1:3).

51 Иса һаггында даһа чох билик әлдә ет (Тәснијә 18:18, 19; Јәһја 3:16; Һәвариләрин ишләри 3:19—23).

52 Јалныз јахшылыг етмәјә чалыш вә Јеговаја табе ол (Ромалылара 6:17, 18, 22).

53 Јадда сахла: Јегова дејир ки, биз инсанлары өлдүрмәмәлијик (Чыхыш 20:13; 1 Јәһја 3:11, 12).

54 Биз башгаларына мәхсус олан шејләри ҝөтүрмәмәлијик (Чыхыш 20:15; Ефеслиләрә 4:28).

55 Киши өз арвады олмајан гадынла јашајыб, онунла бир јатагда олмамалыдыр (Чыхыш 20:14, 17; 1 Солониклиләрә 4:3).

56 Аллаһ бир әрин нечә арвад сахламасына иҹазә вердијини хатырлајырсанмы? Киши өз арвады илә нечә мүддәт һәјат сүрмәлидир? (Тәквин 2:22, 24; Матта 19:5, 6; 1 Коринфлиләрә 7:2, 10, 11).

57 Унутма ки, биз јалныз Јеговаја ибадәт етмәлијик (Матта 4:10; 1 Коринфлиләрә 8:6).

58 Бүтләр вә шәкилләр бизә көмәк едә билмирләр. Нә үчүн? (1 Коринфлиләрә 8:4).

Бүтләри әлдә етмәк јахшыдырмы? (Тәснијә 27:15; 1 Јәһја 5:21).

59 Ҝөз мунҹуғу вә бу кими шејләри сахламаг вә овсунлардан истифадә етмәк нә үчүн писдир? (Тәснијә 18:10—13; Вәһј 21:8).

60 Пис мәләкләр, јахуд ҹинләр Аллаһа гаршы үсјан етдиләр. Онлар инсанлары алдатмаг үчүн фалчылардан истифадә едирләр (Һәвариләрин ишләри 16:16).

61 Биз Аллаһа дуа етмәлијик. Дуа — Аллаһла данышмаг, Она хидмәт етмәк арзусунда олдуғумузу демәк вә ондан көмәк диләмәк мә’насыны дашыјыр (Филипијлиләрә 4:6, 7).

62 Биз Исанын сөзләринә әмәл етмәли вә она инанмалыјыг (Ибраниләрә 5:9; Јәһја 3:16).

63 Ону јадда сахла ки, Иса бизи хилас етмәк үчүн өлдү (Ромалылара 5:8).

64 Унутма ки, Иса ҝөзәҝөрүнмәз Падшаһымыздыр. Биз она табе олмалыјыг (Филипијлиләрә 2:9—11; Вәһј 19:16).

65 Иса деди ки, өјрәндијин хејирхаһ ишләр һаггында сән башгаларына данышмалысан вә Аллаһа хидмәт етмәк истәјәнләрин вәфтиз олмалары ҝәрәкдир (Матта 28:19, 20; Јәһја 4:7—15).

66 Буна ҝөрә сән, бу ҝөзәл ишләр һаггында достларынла сөһбәт едә биләрсән (Матта 10:32).

67 Әҝәр сән јахшы охумағы өјрәнсән, даһа чох билијә саһиб оларсан вә башгаларына даһа артыг көмәк едә биләрсән (2 Тимотејә 2:15).

68 Иса балаҹа ушаглара да Аллаһа табе олмағы өјрәдирди. О, ушагларла сөһбәт етмәјә вахт ајырырды (Матта 19:13—15).

69 Валидејнләр һәр вахт өз ушагларына, Аллаһа табе олуб вә ону севмәји өјрәтмәлидирләр (Тәснијә 6:6, 7; Сүлејманын мәсәлләри 6:20—22; Ефеслиләрә 6:4).

70 Чохлу мүхтәлиф килсә вә мәсҹидләр мөвҹуддур. Онларын тә’лимләриндән чоху Мүгәддәс Китабдан дејил. Јегова бизә бујурур ки, һәгигәти өјрәтмәјән динләри тәрк едәк (Вәһј 18:4; Јәһја 4:23, 24).

71 Јер үзүндә Јегованын өз халгы вар. Онлар Аллаһ һаггында даһа чох өјрәнмәји сәнә тә’лим едә биләрләр. Онларын ким олдуғуну билирсәнми? (Һәвариләрин ишләри 15:14; Ромалылара 10:14, 15).

72 Онлар — Јегованын Шаһидләридир. Онлар арасында әмин-аманлыг һөкмранлыг едир. Билирсәнми нә үчүн? Она ҝөрә ки, онлар бир-бирләринә мәһәббәт ҝөстәрирләр (Јешаја 43:10—12; Јәһја 13:34, 35).

73 Онлар, Јегованы севдикләри үчүн вәфтиз олублар. Бунунла онлар ҹамаат гаршысында ҝөстәрирләр ки, өзләринин пис һәјат тәрзләринә сон гојуб, өз һәјатларыны Аллаһа хидмәтлә кечирмәк истәјирләр (Һәвариләрин ишләри 2:41).

74 Јегованын Шаһидләри чох ҝөзәл олан јени ҹәннәтдә һәјат сүрмәк үмидини бәсләјирләр (Мәзмурлар 37:9—11, 29).

Онларла бәрабәр орада јашамаг үчүн сән нә едә биләрсән? (Јагуб 1:22, 25; 2:20—26).

75 Јеговаја неҹә хидмәт етмәји өјрәнмәк үчүн, онлара гошул. Онлар, Јегованы вә Иса Мәсиһи севир вә онлара итаәт едирләр. Сән онлары севирсәнми? Истәјирсәнми ки, башгаларынын Аллаһ һаггында билик алмаларына көмәк едәсән? (Јәһја 6:45—47).

76 Јегова илә Мәсиһ Иса сәни севир вә сәнин ҹәннәтдә әбәди јашамағыны истәјирләр (Јәһја 3:16).

Бу китабчада олан шәкилләрә бахыб, бурадакы мә’луматлары билдикдән сонра, шүбһәсиз, сәндә јер үзүндәки һәјатла әбәдијјән севинмәјә истәк јаранаҹаг. Әҝәр бу һагда даһа чох өјрәнмәк истәјирсәнсә, онда биз, сәнин јашадығын јердә Јегованын Шаһидләриндән бири илә сөһбәт етмәјини мәсләһәт ҝөрүрүк. Бундан әлавә, бу китабчанын икинҹи сәһифәсиндә олан үнванлар сијаһысына әсасән, јашадығын јерә јахын филиала мәктуб јаза биләрсән. Буну сәнин әвәзинә башгасынын етмәсини дә мүраҹиәт едә биләрсән.